Parlament joǵarǵy Palatasynyń basshysy Qazaqstan men Ámirlik yntymaqtastyǵynyń qarqyndy damýyna rızashylyq bildire kelip, oǵan elimizdiń Tuńǵysh Prezıdenti – Elbasy N.Nazarbaev pen BAÁ-niń joǵary basshylyǵy, onyń ishinde sheıh Zaıd negizin qalaǵan senimdi qarym-qatynastar yqpal etkenin atap ótti.
BAÁ elshisi D.Nazarbaevaǵa Senat Tóraǵasy qyzmetine saılanýǵa baılanysty BAÁ Ulttyq Federaldyq Keńesiniń Tóraǵasy Amal ál-Kýbısıdiń quttyqtaýyn jetkizdi.
Senat basshysy eki el arasyndaǵy parlamenttik almasýlardyń mańyzdylyǵyn atap ótip, BAÁ depýtattaryn Qazaqstanǵa kelýge shaqyrdy.
Muhammed ál-Djaber Ábý-Dabıdiń murager hanzadasy sheıh Muhammed ben Zaıd Ál-Nahaıannyń 14 mamyrǵa josparlanǵan Nur-Sultanǵa resmı saparynyń daıyndyǵy týraly habardar etti. Qazaqstan Senatynyń basshysy bul sapar ózara is-qımyldyń barlyq salalaryndaǵy ekijaqty qarym-qatynastardy odan ári nyǵaıtýǵa yqpal etetinine senim bildirdi.
Kezdesý barysynda saýda-ekonomıkalyq, kólik-logıstıkalyq, gýmanıtarlyq yntymaqtastyqty tereńdetýdiń keleshegi talqylandy. Aýqymdy ekonomıkalyq jobalardyń arasynda - Atyraý oblysynda quny 6,5 mlrd dollar bolatyn gaz-hımııa zaýytyn salý, sondaı-aq teńiz porttarynyń iri operatory – «DP World» kompanııasynyń Qazaqstan-Qytaı shekarasynda jáne Qazaqstannyń batysynda Aqtaý teńiz portynda kóliktik-logıstıkalyq hab jobasyna qatysý jospary bar.
BAÁ elshisi Qazaqstanda «SABIS» brendimen jumys isteıtin halyqaralyq bilim berý jelisin qurý týraly aıta kelip, bul sala boıynsha dúnıe júzinde 65 myńnan astam oqýshylar bilim alatyn 60-tan astam mektep bar ekenin jetkizdi.
Senat basshysy bizdiń elderimiz arasyndaǵy vızasyz tártiptiń týrıstik áleýetin damytýǵa oń áserin atap ótip, BAÁ-den Qazaqstanǵa týrıster aǵynyn ulǵaıtýdy usyndy.