Kezdesý Túrkııa SIM basshysy Mevlıýt Chavýshoglýdyń osy aıdyń sońǵy dekadasynda josparlanǵan Qazaqstanǵa resmı sapary qarsańynda ótti. Dıplomattar eki el arasyndaǵy ekijaqty qarym-qatynastardyń negizgi aspektileri boıynsha «saǵattardy teńestirdi».
Áńgimelesý barysynda taraptar 2009 jylǵy qazanda qol qoıylǵan Qazaqstan men Túrkııa arasyndaǵy Strategııalyq áriptestik týraly shart tarmaqtarynyń oryndalýyn talqylap, Qazaqstan-Túrkııa qatynastarynyń mańyzdy quramdas bóligi saýda-ekonomıkalyq jáne mádenı-gýmanıtarlyq yntymaqtastyq bolyp tabylatyny atap ótti.
Mınıstr Túrkııa Qazaqstannyń mańyzdy ınvestısııalyq áriptesi bolyp qala beretinin, elimizge 3 mlrd AQSh dollardan astam ınvestısııa salǵanyn jáne jańa jumys oryndarynyń sanyn artýyna yqpal etkendigin atap ótti. Aıta keterlik jaıt, elimizdiń elordasy – Nur-Sultan qalasynyń kóptegen mańyzdy nysandaryn túrik qurylys kompanııalary salǵan bolatyn.
SIM basshysy túrik bıznesmenderin taý-ken metallýrgııa, hımııa jáne jeńil ónerkásip, elektr energetıkasy, agroónerkásiptik jáne ınfraqurylymdyq salalar jáne t.b. salalardaǵy birlesken jobalardy júzege asyrýǵa qatysýǵa shaqyrdy.
Túrik dıplomaty Transkaspıı mýltımodaldyq tasymaldardyń tabysty damýy týraly sondaı-aq Aqtaý portynda júkterdi óńdeý jáne aýystyryp tıeý jyldamdyǵyn arttyrý boıynsha odan ári jumys isteý qajettiligi týraly atap ótti. Taraptar sondaı-aq porttyq qyzmetterdi usynýdyń, kedendik rásimderdi ótkizýdiń jáne tarıfterdi retteýdiń ońaılatylǵan tetigin qurý qajettiligine nazar aýdardy. Eki memlekettiń logıstıkalyq vedomstvolary men kásiporyndary arasynda konsýltasııalar ótkizý týraly túsinistikke qol jetkizildi.
Túrkııa Qazaqstannyń saýda seriktesteriniń alǵashqy ondyǵyna kirýde. Eki el arasyndaǵy taýar aınalymy 2018 jyly ósip, 2 mlrd AQSh dollaryn qurady. Memleket basshylary arasynda qol jetkizilgen ýaǵdalastyqtarǵa sáıkes taýar aınalymyn 5 mlrd AQSh dollary belgisine qol jetkizý maqsaty qoıylǵan. Búgingi tańda elimizde túrik kapıtalynyń qatysýymen 1,5 myńnan astam kásiporyn jumys isteıdi.
Túrkııa qazirgi túrki memleketterin biriktiretin Túrkitildes memleketterdiń yntymaqtastyq keńesiniń (TMYK) múshesi bolyp tabylady. Onyń basty maqsaty Uıymǵa múshe memleketter arasyndaǵy jan-jaqty yntymaqtastyqty damytý bolyp tabylady. TMYK 2009 jyly Qazaqstannyń Tuńǵysh Prezıdenti - Elbasy Nursultan Nazarbaevtyń bastamasymen qurylǵan. Memleket basshylary deńgeıindegi TMYK-nyń kezekti 7-shi sammıti aǵymdaǵy jyldyń kúzinde Ázerbaıjanda ótedi.