Tarıhı tulǵalarǵa arnaldy

Memlekettik peda­go­gı­kalyq ýnı­ver­­­sı­tet­tiń áz­ir­­­leýimen jaryq kór­­gen al­ǵashqy fılm – Bu­qar jy­raý Qalqamanuly, Musa Shormanuly, Máshhúr Júsip, Estaı Berkimbaıuly, Sultanmahmut Toraıǵyrov, Jaıaý Musa, Qanysh Sátbaev, Maıra Shamsýtdınova, Álkeı Marǵulan, Shapyq Shókın, Ábikeı Sátbaev, Sháken Aımanov, Kemel Aqyshev, Qosym Pishenbaev, Rafıqa Nurtazına sekildi 25 dara tulǵaǵa arnalǵan. 

Ýnıversıtet rektory Al­tyn­bek Nýhulynyń aıtýyn­sha, búgingi jastarǵa eldik, egemendik rýh qaldyrǵan uly tulǵalardy ulyqtaý – urpaq paryzy. 

Elbasynyń «Bolashaqqa baǵdar: rýhanı jań­ǵy­rý», «Uly dalanyń jeti qyry» maqalalarynda ótken tarıhqa úńilý búgingi kúnmen máńgilik úndestik arqyly bolashaqqa jalǵasatyny aıtyldy. Sondyqtan, mektep oqýshylary, muǵalimder, stýdentter, jas ǵalymdar, jalpy, ótken ta­rıhqa taǵzym eter qaýym úshin-fıl­m­niń aıtar mándi oılary, kórseter maǵy­na­ly betteri bar.

Fılm ár tulǵaǵa arnal­ǵan 10 mınýt ishinde árqaı­sy­synyń ómiri men qyzmeti, shyǵarmashylyǵy jaıynda baıandap beredi. Fılmder toptamasyn daıyndaýǵa tarıhshylar, arheologtar, áleý­met­tanýshylar qatysqan.

Joba prodıýseri Gúljanat Imanǵa­zy­nyń aıtýynsha, oqý orynynda tarıhı tulǵalar jaıly derekter izdeý, arhıv materıaldaryn jınap, fılm ja­saýda shyǵarmashylyq top bir jyldaı jumys istep­ti. Arnaıy zertteýler júr­gi­zi­lip, málimetter jınal­ǵan. Arhıvterden fotosýret­ter, estelikter alynǵan. Bul rýhanı ıgi iske «Ǵabek» JShS-niń dırektory Ǵabbas Bektu­rov bas demeýshi bolyp­ty.

Fılm ázirge dıskilerge ǵana ja­zyl­ǵan, aldaǵy ýa­qyt­ta saıttar men áleý­met­tik jeli­ler arqyly kórip, tany­sý­ǵa bolady.  Pavlodar oblysy