Depýtattar el ishinde

Almaty qalasyndaǵy Y.Altynsarın atyndaǵy №159 gımnazııada Parlament Májilisi Tóraǵasynyń orynbasary, Nur Otan partııasy fraksııasynyń jetekshisi Gúlmıra Isımbaeva men Májilistiń Áleýmettik-mádenı damý komıtetiniń tóraıymy Gúlnár Ihsanovanyń qatysýymen Nur Otan partııasynyń  2030  jylǵa deıingi baǵdarlamasynyń – «Árbir adam úshin qoljetimdi bolashaq bilimi» atty ekinshi maqsatynyń júzege asyrylýy boıynsha dóńgelek ústel otyrysy ótti.

G.Isımbaevanyń aıtýynsha, partııa baǵdarlamasynyń atalǵan maqsaty  árbir adam úshin qoljetimdi, bolashaq bilimdi uıymdastyrýdy – qazaqstandyqtardyń ınnovasııalyq jańa býynyn daıyndaýdy, bilim salasyna eń ozyq mamandardy tartý, bilim júıesin damytýdy kózdeıdi.

Búginde Nur Otan partııasy elimizdegi árbir mektepte IT-synyp­tar ashýǵa, shákirtterdi kompıýterlik baǵdarlamalar jasaýǵa ynta­lan­dyrýǵa, olardyń boıyndaǵy talanty men ıntellektýaldyq qasıetterin ashýǵa bilim mekemeleri arqyly barlyq múmkindikterdi jasap otyr.

Dóńgelek ústel barysynda almatylyq ustazdar ózderin tolǵandyryp júrgen jańa oqý baǵdarlamasyndaǵy tolyqtyratyn olqy tustary týra­ly, úshtildilikti engizý, mektep oqýshylarynyń ıntellektýaldy oı-órisin ósirýge qajetti metodıkalyq-ádistemelik oqý quraldarynyń sa­pa­syn jaqsartý jáne basqa da bilimge qatysty oı-pikirlerin ortaǵa sal­dy.

* * *

Májilis depýtattary, Nur Otan partııasy parlamenttik frak­sııa­synyń músheleri Irına Ýnjakova, Evgenıı Kozlov, Vasılıı Oleınık Nur-Sultan qalasynyń № 64 «Asyl-bóbek» arnaıy balabaqshasyna bardy. 

Depýtattar balabaqsha ujymy men tárbıelenýshilerdiń ata-analarymen kezdesti.

№64 balabaqshaǵa tirek-qımyl apparaty buzylǵan, mektep jasyna deıingi balalar barady. Munda osyndaı mektep jasyna deıingi balalarǵa keshendi medısınalyq-pedagogıkalyq, áleýmettik jáne psıhologııalyq kómek kórsetiledi. Mamandar erekshe qajettilikteri bar oqýshylardyń áleýmettik beıimdelýine jáne bilim berý ıntegrasııasyna jaýap beredi. 

Halyq qalaýlylary barlyq oqý jáne saýyqtyrý kabınetterin qarap, kúndizgi mekteptiń ádisnamasy jáne kún tártibimen tanysty.

* * * Al depýtattar Záýresh Amanjolova, Baqytgúl Hamenova jáne Jeksenbaı Dúısebaev Aqmola oblysy Selınograd aýdanyna qarasty Shalqar aýylynyń turǵyndarymen kezdesti.

Kezdesýde depýtattar maqsatty áleýmettik kómektiń taǵaıyndalýy, múgedek bala tárbıelep otyrǵandardyń járdemaqysyn kóterý, turǵyn úı alý, kóp balaly analarǵa jasalatyn kómek máseleleri boıynsha suraqtarǵa jaýap berdi. 

Olar birinshi kezekte Elbasynyń áleýmettik bastamalarynyń júzege asyrylý barysy, onyń ishinde, turmysy tómen jáne kóp balaly otbasylardy qoldaý sharalaryna erekshe kóńil bólinetindigin atady.

Sonymen qatar halyq qalaýlylary Shalqar aýyldyq mektebiniń ujymy  jáne ata-analarymen bıýdjettik sala  qyzmetkerleriniń jalaqysyn kóterýi, maqsatty áleýmettik járdemaqynyń qaıta eseptelýi syndy máselelerdi talqylady. * * * Nur Otan partııasy parlamenttik fraksııasynyń músheleri Gleb Shegelskıı, Olga Shıshıgına jáne Aleksandr Sýslov Pavlodar oblysynda elimizde jetekshi medısınalyq mekemelerdiń biri sanalatyn kardıologııalyq ortalyqtyń jumysymen tanysty.  Qazirgi kezde kardıoortalyq zamanaýı kardıohırýrgııa men ıntervensııalyq kardıologııanyń barlyq baǵyttaryn biriktiredi jáne eresekterge de, balalarǵa da kómek kórsetedi.   Kezdesý barysynda Májilis depýtattary ortalyqtyń múm­kin­dikterin erekshe atap ótti.  * * * Májilis depýtattary, Nur Otan partııasy parlamenttik frak­sııa­synyń músheleri Darhan Myńbaı, Ábdimanap Bekturǵanov,  Sáken Qanybekov, Ýálıhan Qaınazarov, Fahrıddın Qarataev Shymkentte «Qutty meken» jobasy aıasynda birqatar áleýmettik nysandarǵa bardy.  Depýtattar Badam ózeni arqyly ótetin kópirdiń qurylys ju­mystarymen tanysty. 

– Bul nysan qala úshin ǵana emes, el úshin de óte mańyzdy. О́ıtkeni kópir eki megapolısti – Shymkent pen Tashkentti baılanystyryp,  eki el arasyndaǵy yntymaqtastyqty keńeıtýge jaǵdaı jasaıdy. Sondyqtan barlyq máseleler tez arada sheshilip, nysan óz ýaqytynda paıdalanýǵa beriledi degen senimdemiz,  – dedi Darhan Myńbaı.

Sondaı-aq osy kúni parlamentshiler «Sáýle» yqsham aýdanyndaǵy №76 mektep ujymymen kezdesti.  Halyq qalaýlylary mektep janynan salynyp jatqan qosymsha 300 oryndyq oqý ǵımaraty, sport zaly, sheberhana jáne ashana qurylysymen tanysty. 

* * * Al Májilis depýtattary Taras Hıtýov, Sergeı Sımonov, Baqtyqoja Izmuhambetov pen Abaı Tasbolatov Atyraý oblysynyń Mahambet aýdanyna bardy.

Saraıshyq aýylynda depýtattar «AtyraýAgroónimderi» sharýashylyq qojalyǵynyń ujymymen kezdesti. Áńgime barysynda shaǵyn jáne orta bıznesti memlekettik qoldaý sharalary talqylandy.

Depýtattar saılaýshylarǵa Tuńǵysh Prezıdent – Elbasy Nursultan Nazarbaevtyń áleýmettik bastamalary oryndalý barysymen tanystyryp, onyń ishinde az qamtylǵan jáne kóp balaly otbasylarǵa qoldaý kórsetý týraly aıtyp berdi. 

* * * О́z kezeginde Májilis depýtattary Qudaıbergen Erjan, Mıhaıl Chırkov, Keńes Absatırov jáne Gennadıı Shıpovskıh osy kúnderi jumys saparymen Oral qalasyndaǵy joǵary agrotehnıkalyq kolledjge bardy. Kezdesý barysynda depýtattar 3D aqparattyq dızaın kabınetiniń jumysymen tanysty. 

Sondaı-aq Májilis depýtattary Batys Qazaqstan memlekettik ýnıversıtetiniń stýdentterimen kezdesti. 

Áńgime barysynda stýdentter men muǵalimderge qatysty ózekti máseleler kóterildi. Bul rette búgingi kúni qoǵamda talqylanyp jatqan «Muǵalimder mártebesi týraly» zań jobasy da nazardan tys qalmady.