3-synyp oqýshysy Edgar Túrkııanyń Antalııa qalasynda ótken oqýshylar arasyndaǵy halyqaralyq chempıonatta 2- oryn ıelengen. Saıysqa 33 memleketten 382 jas shahmatshy qatysqan.
- Meni anam kóptegen úıirmelerge apardy. Biraq, janyma jaqyn tartqanym osy shahmat boldy. Men ózimdi bolashaqta shahmattan kásibı deńgeıde maman retinde kóremin. Álemniń birneshe elinde boldym. Kúshti áserler alyp, tájirıbe almasýdamyn. Maǵan shahmat kóptegen belesterge jetýge jol ashýda. Qazirgi ýaqytta tamyz aıynda Qytaıda ótetin halyqaralyq chempıonatqa daıyndyq ústindemin. Osy sátti paıdanala otyryp, maǵan demeýshilik jasap júrgen aǵa-apalaryma erekshe alǵysymdy bildiremin, dedi jas shahmatshy Edgar Mamedov.
Aqtaý qalasyndaǵy№ 9 orta mekteptiń oqýshysy Edgar Mamedov «Debıýt» shahmat mektebine 5 jasynan barady. Tórt jasynan kitap oqı bastaǵan ol úıirmege barǵan sátten daıyn formýlalarmen jattyǵady. О́ńirdiń myqty shahmatshylary jınalǵan úlken blıs týrnırdiń kóktemgi kezeńinde 11 oıynnan 9 upaı jınap, 44 qatysýshynyń arasynan oq boıy ozyp shyqty. 2018 jyly Almaty qalasynda ótken QR chempıonatynda altyn alqa jeńip alsa, Pavlodar qalasynda ótken chempınatta klassıka, rapıt, blıs úsh kontrolda da qatysyp, absolıýttik chempıon bolǵan. Sonymen qatar, sáýir aıynda Taılandta ótken Azııa chempıonatynda 3- oryn, Shrı-Lankada ótken álem chempıonatynda 3 - oryn ıemdendi. Jattyqtyrýshysy Anvar Shaıhymov Edgardyń jetken jetistikteri bilimge degen erekshe qushtarlyǵy men ata-anasynyń yqylasynda deıdi.
Shahmat oıyndary oblysta damyp, jas órenderimiz qorjynǵa kúmis, altyn alqalar salýda. Bul oraıda jattyqtyrýshynyń da róli erekshe. Aldaǵy ýaqytta osy sport túrin damytýdyń jańa josparlary qarastyrylatyn bolady dedi oblystyq sport basqarmasynyń ókili.