1 mamyr kúni túngi 1 saǵat 24 mınýtta eldegi sońǵy jylý-elektr ortalyǵy elektr qýatyn óndirý úshin kómir jaǵýdy toqtatqan edi. Sóıtip, kómirmen jumys isteıtin alǵashqy jylý-elektr ortalyǵy iske qosylǵan 1882 jyldan beri aǵylshyndar tuńǵysh ret bir apta boıy tas kómirdi paıdalanbaǵan. Olar elektr qýatyn alý úshin balama energııa kózderin qoldanyp jatyr. Bul shara qorshaǵan ortany lastaýdyń mólsherin azaıtý úshin uıymdastyrylǵan. Ári júıeli túrde jalǵasyp kele jatyr. Aǵylshyndar jyl saıyn kómirdi energııa kózi retinde qoldanýdy azaıtyp keledi.
Ulybrıtanııanyń ulttyq jelilik kompanııasynyń (NGE) júıelik operasııalar boıynsha dırektory Fıntan Slaıdyń aıtýyna qaraǵanda 2025 jylǵa qaraı eldegi elektr qýatyn óndirý tolyqtaı qalpyna keltiriletin nemese qorshaǵan ortaǵa zııansyz energııa kózderin paıdalanýǵa kóshirilmek eken. Mamandar eldiń bir apta boıy tutynǵan energııasyn óndirýde tabıǵı gazdyń úlesi mol bolǵanyn aıtady. 1 mamyr men 8 mamyr aralyǵynda 45% energııa gazdy paıdalaný arqyly óndirilgen. 21% energııany atom elektr stansalary óndirse, 11% energııa jeldiń úlesine tıgen. El 10% kólemdegi qýatty syrttan ımporttapty. Bıomassalar arqyly óndirgen energııanyń kólemi 6%, kún energııasy 6%-dy quraǵan. Gıdroenergııanyń úlesi 1% bolsa kerek.