Berik Ábdiǵalı: Ýaqyttan utý kerek

Qazaqstan Prezıdenttiginen úmit­kerlerdiń úgit-nasıhat jumystary kandıdattardyń baǵdarlamasy men ómir­lik ustanymdaryna baılanysty erek­­shelenip turǵandyǵy baıqal­dy. Máselen, bireýleri birinshi kúnnen-aq halyqpen kezdesýler uıymdastyr­sa, endi bireýleri plakattar ilip, halyq nazaryn aýdarýǵa tyrysty. Bul – qys­qa ýaqytta yqtımal saılaýshylaryna ózi­niń negizgi ıdeıa­laryn jetkizýge baǵyt­talǵan durys qadam. Aıtalyq, úmitkerler men olardyń senim bildirgen ókilderi óńir­lerde jurtshylyqpen kezdesip, baǵ­darlamasynyń negizgi baǵyttaryn túsindirýge kiristi. 

Sondaı-aq bıylǵy saılaýda úmit­ker­ler áleýmettik jeliniń kúshin paı­da­lanýda. Áleýmettik jelige ornalas­ty­ryl­­ǵan baǵdarlamalar men sýretterge ha­lyqtyń berip jatqan baǵasy da ár a­lýan. Biraq bolashaqta bul baǵyttaǵy ju­mys­tar júıelenýi kerek dep oılaımyn. 

Úgit-nasıhat jumystarynyń birin­shi kúninen-aq qandaı da bir úmit­kerge shek­teý jasaldy, halyqpen kezdes­tir­medi, zal bermedi degendi esti­m­edim. De­mek, osyndaı teń jaǵdaıda úmit­ker­ler óz múmkindikterin jiberip almaýy kerek. 

Berik ÁBDIǴALI, 

saıasattanýshy