Erkin ekonomıkalyq aımaqty damytýdyń jańa tetikteri

Forým aıasynda negizgi másele­ler­diń biri retinde Qazaqstan aýma­­ǵyndaǵy erkin ekonomıkalyq aı­maq­taǵy saýdany jeńildetý jol­dary talqylandy. Sonymen qatar kedendik baqylaý boıynsha turaqty jumys júrgizýdiń tetikterin qarastyrýǵa nazar aýda­ryldy. Erkin ekonomıkalyq aımaqtyń ekonomıkalyq artyq­shylyqtary men kedendik ba­qylaý rásimderin jeńildetý, atal­ǵan sala­daǵy Dúnıejúzilik keden­ uıymyna múshe elderdiń tájirıbesi keńinen sóz boldy. 

Jıynda sóz alǵan Qarjy vıse-mınıstri Qanat Baedilov búginde elimizde 12 erkin ekonomıkalyq aımaq qurylǵanyn aıta kelip, bul baǵytta Qazaqstannyń ózge memleketterge úlgi eterlik basta­malary bar ekenin jetkizdi. So­nymen qatar ekonomıkanyń negiz­gi tetigi sanalatyn erkin eko­no­mı­ka­lyq aımaqty damytý úshin eldegi ınvestısııalyq ahýaldyń da tartymdy, turaqty, júıeli ekenin aıtty. 

Dúnıejúzilik saýda uıymynyń saqtaý jáne ońtaılandyrý de­par­tamentiniń dırektory Anna B.Hınohosa Qazaqstannyń halyq­aralyq saýdany damytý boıynsha atqarǵan jumystaryn joǵary baǵalap, forým aıasynda erkin eko­nomıkalyq aımaqty damytý úshin ınnovasııalyq jobalardan bas­tap, kedendik baqylaý qyzmetiniń zań aıasyndaǵy jumystary jan-jaqty talqylanatynyn aıtty. 

− Búginde kóptegen memleket­ter kún saıyn qaryshtap damyǵan jańa tehnologııalardy erkin eko­­­no­mıkalyq aımaqty damytý maq­­satyna tıimdi paıdalanýdy jú­­zege asyrýda. Onyń ishinde sát­­ti júzege asqan jobalar je­ter­­lik. Mine, solardyń ozyq úl­gisin ózara bólisý arqyly bul sa­­la­nyń ilgerileýine múmkindik týmaq. Bizdiń uıymda 100-den asa memleket kedendik-ákimshilik ba­qy­laý boıynsha ortaq jumys júr­gizýde. Sońǵy jyldary erkin ekonomıkalyq aımaqtardaǵy ke­dendik qyzmet salasy boıynsha jan-jaqty qamtylǵan tu­jyrymdama daıyndalýda. Sol arqyly EEA-nyń áleýeti men múmkindikteri artyp kele jat­qanyn kórip otyrmyz, – dedi Anna B.Hınohosa. Onyń aıtýynsha, Dúnıejúzilik saýda uıymymen jumys isteıtin elderdegi EEA-nyń kedendik baqylaý salasynda áli de bolsa oń sheshimi tabylmaǵan máseleler bar. 

– Erkin ekonomıkalyq aı­­maq­­tardaǵy kásiporyndar sa­lyq­tan bosatylady, basqa da keı­bir máselelerge memle­ket túsinistikpen qaraıdy. De­se de, mundaı múmkindiktiń so­ńy ká­sip­oryndardyń zań buzýshy­lyq­taryna ákeledi. Tipti, kontra­bandalyq taýarlardy osy aımaq­tar arqyly ótkizý faktileri tir­keldi. Odan bólek, esirtki tasy­maly, zańsyz aqsha bopsalaý syndy áreketter de tirkelgen bo­la­tyn. Sondyqtan EEA-ny qa­lyp­tastyrý, damytýmen qatar, zań­dy belsheden basqan keleńsiz tus­taryn joıý kún tártibindegi má­selege aınalýy tıis, – dedi Dú­­nıe­júzilik saýda uıymynyń saqtaý jáne ońtaılandyrý depar­ta­mentiniń dırektory.

Forýmda Qarjy mınıstrligi Memlekettik kirister komıteti tór­­­aǵasynyń orynbasary О́mirzaq Be­ıispekov:

− Qazaqstan Eýrazııa kindiginde, Eýropalyq jáne Azııa-Tynyq mu­hıty aımaǵynyń Dúnıejúzilik keden uıymyna múshe elderdiń to­ǵysynda ornalasqan. Biz eki iri aı­maqtyń keden ákimshileriniń kóptegen ókilderiniń osynaý fo­rým­ǵa qatysyp jatqanyn joǵary baǵalaımyz, – dedi. 

Sonymen qatar ol osy jyldyń naýryzynda Dúnıejúzilik keden uıymynyń Bas hatshysy Kýnıo Mıkýrııanyń Qazaqstanǵa resmı saparmen kelip, Úkimet basshysy Asqar Mamınmen kezdeskenin eske saldy. 

Forým barysynda erkin eko­no­mıkalyq aımaqtyń tabysty damýyna jańa serpin beretin óner­kásipter men aımaqtardyń ın­fraqurylymyn jandandyrý máselelerine basymdyq berildi.