«Qazirgi AEF-tiń erekshe mańyzy bar jáne ol tarıhı sátte ótip jatyr. О́zderińiz biletindeı, men bul sharaǵa prezıdent retinde qatysyp otyrǵan joqpyn. Elimiz ben halqymyzdyń múddesi úshin men óte mańyzdy sheshim qabyldadym. Táýelsizdik jyldary eleýli ózgeristerge qol jetkizdik. Qazaqstan álem kartasynda bedeldi, tanymal memleketke aınaldy. Biz alǵash ret Semeıdegi ıadrolyq polıgondy japtyq, álemdegi tórtinshi ıadrolyq-ǵaryshtyq arsenaldan bas tarttyq», - dep atap ótti Elbasy.
Onyń aıtýynsha, dál osy bastamalar Qazaqstanǵa senim men syıly qarym-qatynas syılady. «Alǵash ret elimizdiń jańa tarıhynda Konstıtýsııaǵa sáıkes demokratııalyq jolmen beıbit jaǵdaıda bılik tranzıtin júrgizýdemiz. Bul rette maǵan habarlasyp, hat jazyp, qoldaý bildirgen álem elderiniń saıasatkerlerine alǵys aıtamyn», - dedi N. Nazarbaev.
Eske sala ketsek, elordada XII Astana ekonomıkalyq forýmy «Yntalandyrýshy ósý: adamdar, qalalar, ekonomıkalar» taqyrybynda ótip jatyr. Forým jumysyna álemniń 74 elinen sarapshylar, saıasatkerler, bıznesmender men ǵalymdar qatysýda.