Búgin Halyqaralyq mýzeı kúnine oraı Nur-Sultan qalasyndaǵy Ulttyq mýzeıde «Egemen Qazaqstan» gazetiniń 100 jyldyǵyna arnalǵan kórme ashylady. Shara qarsańynda mýzeıde arnaıy baspasóz máslıhaty ótti.
Baspasóz máslıhatyna «Egemen Qazaqstan» respýblıkalyq gazeti» AQ Basqarma tóraǵasy Darhan Qydyráli men Ulttyq mýzeı dırektory Almaz Nurazhan qatysty. Jıynda basylym basshysy gazet tarıhyna qatysty málimetter aıtyp, mýzeıdegi kórme jaıly baıandady.
Sonymen qatar, «Júz jyldyq jylnama» atty basylym mereıtoıyna arnalǵan sharalar jaıly da sóz qozǵaldy. Atap aıtqanda, maýsym aıynda gazettiń 1919-1970 jyldar aralyǵyndaǵy maqalalary jınaqtalǵan kitaptardyń tanystyrylymy ótedi.