Olardyń aıtýynsha slavıan jazýyn toǵyzynshy ǵasyrda aǵaıyndy Kırıll men Mefodıı engizgen. Jańa alfavıt áýlıe Konstantınniń qurmetine "kırıllısa" dep atalǵan. Shara barysynda osydan 116 jyl buryn jazylǵan «Hat jazýǵa úıretý» atty kitap negizinde áripterdiń jazylýy men sııa qalamdardyń shyǵý tarıhy tanystyryldy. Mundaı kóne kitap tek otbasylyq kitaphanalarda, onyń ózinde óte sırek kezdesedi eken.
Sheberlik saǵatyna qatysýshylar 1996 jyly ashylǵan sırek kitaptar murajaıymen tanysýǵa múmkindik aldy. Bul jerde 18-19 ǵasyrlarda jazylǵan 3000- ǵa jýyq shyǵarma saqtaýly tur. Olardyń ishinde eń kónesi– «Psaltyr» kitaby. Bul týyndyny tek respýblıkalyq Ulttyq kitaphana men osy óńirdegi kitaphanadan ǵana tabýǵa bolady.
«Bul kitap kóne slavıan tilinde jazylǵan. Salmaǵy óte aýyr. Maksım Gorkıı óziniń eńbeginde bala kúnimde Psaltyr kitabyn oqyp óskenmin dep jazyp qaldyrǵan eken», deıdi jergilikti ólketanýshy Lıdııa Melehına.
Kitapty oqý óte qıyn, tek qazirgi áripterge uqsastaryn ǵana ajyratýǵa bolady. Kitaphana ony kezinde qymbat baǵaǵa satyp alǵan.
Soltústik Qazaqstan oblysy