CAWEP baǵdarlamasy sý máselesin sheshýdi kózdeıdi

Atalǵan baǵdarlamany jú­zege asyrýdaǵy negizgi maqsat – Ortalyq Azııa elderine bi­lim almasý, zertteý jumys­tary, jobalar da­ıyndaýda keńes berý ar­qyly sý já­ne ener­getıka qaýipsizdigin ny­ǵaı­tý salasynda qoldaý kórsetý.

− Ortalyq Azııada sý jáne ener­­g­etıka resýrstary bó­lin­­beıtindikten, osy re­sýrs­­­tardy birge retteý – aımaq­tyń ornyqty damýynda, kedeılikti qysqar­typ, klımat ózgerisine qarsy turý qabiletin nyǵaıtýda sheshýshi mánge ıe. Eýroodaq CAWEP-ke úles qosa otyryp, sý jáne energetıka qaýipsizdigi má­se­lelerinde elderdiń aı­maq­tyq dıalogy men ózara ba­ılanysyn keńeıtýge yq­pal etedi. Bul olarǵa tu­ra­q­­ty ınvestısııa men áleý­­mettik-ekonomıkalyq da­­mý­ǵa arnalǵan jaǵdaılar­dy je­tildirýge kómektesedi, – dedi Qazaqstandaǵy Eýroodaq delegasııasyn basqarý­shy, elshi Sven-Olov Karls­son. Onyń aıtýynsha, Orta­lyq Azııadaǵy ekonomıkalyq damý, halyq sanynyń ósýi, qa­la­­lardyń ósý úrdisteri men tabıǵı apattarǵa aparyp so­ǵa­tyn klımattyń ózgerýi sý­ǵa degen suranystyń ar­týy­­na yqpal etýde. Eger el­­der sýdy paıdalaný sala­syn­­­­daǵy qazirgi saıasaty men tá­­ji­­­rıb­e­sin ózgertpese, sý tap­­­shy­­­ly­ǵy aımaqtyń ekono­mıka­­lyq damýyn báseńdetýi múmkin. 

− Klımat ózgerip jat­qan­da, sý resýrstaryn utym­dy paı­dalaný álemdegi basqa eldermen salystyrǵan­da Ortalyq Azııa memleketteri úshin aıtarlyqtaı dıvı­­dend­ter ákele alady. Bizdiń ba­ǵa­laýymyzsha, sýdy paı­dalanýdyń qalyptasqan úlgisi bolashaqta Ortalyq Azııa­­nyń ekonomıkalyq damýy­na sheshýshi yqpal etedi, – dedi Ortalyq Azııadaǵy Dúnıe­jú­zilik banktiń aımaqtyq dı­rek­tory Lılııa Býrýnchýk.

Aıta keterligi, sý resýrs­taryn basqarý salasyndaǵy tıim­di strategııalar men ın­ves­tısııalar, qazirgi tań­da osy máselelerdi sheshý­ge jum­salyp jatqan ekonomı­ka­lyq shyǵyndardan arzan túsýi múmkin. CAWEP baǵ­dar­lamasy bolashaqta sý-ene­rgetıka resýrstary qaýip­sizdigin ári qaraı art­tyrý úshin Ortalyq Azııa el­derine tehnıkalyq saraptama usynýdy, analıtıkalyq jáne ınvestısııalyq qoldaý kórsetýdi jalǵastyra beredi. Qazaqstanda CAWEP baǵdar­lamasy sheńberinde tehnı­ka­lyq zertteýler júrgi­zi­lip, Aral teńizin qalpyna kel­tirýge yqpal etetin jańa ın­­ve­stısııalyq jobalardy ja­­saýǵa qoldaý kórsetiledi. Eýro­odaq úlesimen birge, baǵ­dar­lamaǵa Shveısarııa úki­meti men Ulybrıtanııanyń Halyq­ara­lyq damý departamenti kómek kórsetedi.