Qazirgi tańda respýblıka boıynsha 37 150 salyq tóleýshi salyq bereshegin ótedi. Olarǵa 1,9 mıllıard teńge somasyndaǵy ósimpul jáne 98,7 mln teńge somasyndaǵy aıyppulǵa jeńildik qarastyrylǵan.
2018 jylǵy 1 qazandaǵy jaǵdaı boıynsha, elimizde 90 077 shaǵyn jáne orta bıznes sýbektileriniń ótelmegen salyqtyq bereshegi bolǵan. Olardyń qaryz somasy – 210,4 mıllıard teńge, ósimpuldar – 122,9 mıllıard teńge, aıyppuldar – 7,4 mıllıard teńgeni quraǵanyn atap ótken jón.
Salyqtyq raqymshylyq jyl aıaǵyna deıin jalǵasady. Iаǵnı, shaǵyn jáne orta bıznes sýbektileri qaryzdardan qutylýyna jáne memlekettik kirister organdary qoıǵan shekteýlerdiń kúshin joıý múmkindigi bar.
Sonymen qatar jeke tulǵalardyń 2019 jylǵy 1 qańtarǵa deıingi salyqtyq mindettemeleri boıynsha da jeńildikter jasaý másele qazirgi tańda Parlament Májilisinde qarastyrylyp jatyr. Atalǵan ózgerister qabyldaǵan jaǵdaıda raqymshylyqqa 1,390 mıllıon adam iligedi. Olar tóleýi tıis 13,9 mıllıard teńge somasynda qarjyny ótkizgende 7 mıllıard teńge ósimpul esepten shyǵarylady.
Aıta keterligi, 31 mamyrda Memlekettik kirister komıtetiniń Tóraǵasy Marat Sultanǵazıevtiń qatysýymen semınar ótkizilmek. Semınar barysynda salyqtyq raqymshylyqtyń kókeıtesti suraqtary, kameralyq baqylaýdyń keıbir ózekti máseleleri kóteriledi.