Baıqaýǵa qatysýshylar úsh kezeń boıynsha baq synap, qyzmet barysyndaǵy kásibı sheberlikterimen qatar qazaq, orys, aǵylshyn tilderin erkin meńgergen maman ekendikterin dáleldedi. Máselen, úmitkerler «Ulttanym» dep atalatyn birinshi kezeńde «Qazirgi jastardyń zııandy ádet-qulyqtary», «Qazaqtyń rýhanı kıeli, qasıetti jerleri» degen sııaqty ár túrli taqyryptardaǵy suraqtarǵa jaýap berip, memlekettik til men ulttyq dástúrge qanyqtyǵyn baıqatsa, «Tusaýkeser» kezeńinde úsh tilde qoıylǵan saýaldarǵa tapqyr da utymdy jaýap berýimen erekshelendi. Al «О́nertanym» aınalymynda baıqaýǵa qatysýshy memlekettik qyzmetkerler aǵylshyn tilinde án salyp, óleń oqydy.
Baıqaý qortyndysy boıynsha Talǵar aýdanynan kelgen jas memlekettik qyzmetshi Elmıra Ernııazova bas júldege ıe boldy. Al birinshi oryndy taldyqorǵandyq Ámir Tuıaqbaev jeńip alsa, ekinshi oryn da osy qaladan qatysqan úmitker Danııar Saǵymbekovke buıyrdy. Baıqaýdyń júldeli úshinshi ornyn Raıymbek aýdanynan kelgen Aıdana Melis pen kóksýlyq Qýanysh Jumat enshiledi.