Alatýdyń baýraıyndaǵy alyp shahar Almatyda 25-26 mamyr kúnderi qazaq kúresinen ekinshi ret uıymdastyrylǵan «Halyq barysy» respýblıkalyq týrnıri aıaqtaldy.
«Suńqar» halyqaralyq shańǵy tramplınder kesheninde ótken jarysqa Qazaqstannyń barlyq aımaǵynan myńǵa jýyq balýan óz baqtaryn synady. Eki kezeńge bólingen jarystyń alǵashqy kúninde irikteýden irkilmegen 32 balýan beldesýdiń ekinshi kezeńine joldama aldy.
Fınaldyq saıysta jaýyryny jerge tımeı, barlyq qarsylasyn qoǵadaı japyrǵan Almaty qalasynyń balýany Dáýren Nuralınov «Halyq barysy» atanyp, 9 mln teńge qarjylaı syıaqy ıelendi. Fınalda jeńilip, ekinshi oryn alǵan Talǵat Jıentaevqa (Qostanaı oblysy) 4,5 mln teńge jáne úshinshi oryndaǵy Ǵalymjan Qyryqbaevqa (Jambyl oblysy) 2,7 mln teńgeniń sertıfıkaty tabystaldy.