Osy ýaqyt aralyǵynda uıym 410 is-shara ótkizgen. Onyń 410-y aımaqtarda bolsa, 14-i – respýblıkalyq deńgeıde uıymdastyrylǵan jıyndar. Atap aıtqanda, olar Ortalyq saılaý komıssııasy, aımaqtyq saılaý komıssııalary jáne ýchaskelik saılaý komıssııasy múshelerimen birneshe kezdesý ótkizgen. Oǵan qosa, Almaty jastary men stýdentteri úshin saılaý zańnamasyn bilýge qatysty jaryssóz týrnıri uıymdastyrylǵan.
Sondaı-aq prezıdenttikten úmitkerlerdiń shtab ókilderimen kezdesip, saılaý kúnine daıyndyq júrgizip jatqan saılaý bólimsheleriniń jumys barysyn kórip, teksergen.
Qazir eldiń barlyq aımaǵynda «Amanat» qoǵamdyq platformasy saılaýshylarǵa, jýrnalısterge jáne táýelsiz baıqaýshy azamattarǵa arnap trenıngter ótkizýde.
Sonymen qatar «Amanat» negizinde 6 myńnan astam baıqaýshy oqytyldy. Brıfıngti ótkizýshiler OSK derekterine sáıkes elimizde barlyǵy 9967 saılaý bólimshesi bar, olardyń 560-y ýaqytsha qurylǵanyna toqtaldy. Azamattardyń barlyǵyn tolyq qamtý úshin «Amanat» shamamen 10 myń baıqaýshyny daıyndaýdy josparlaıdy. Búgingi kúnde azamattyq platformaǵa búkil el boıynsha 260 qoǵamdyq pikir kóshbasshysy qosyldy. «Amanatqa» 185 qoǵamdyq uıym qosylǵan.
Jıyn barysynda Murat Ábenov, Musaǵalı Dýambekov, Jazıra Dúısenbekova, Lıma Dıas jáne «Amanat» uıymynyń ózge de ókilderi oı-talqyǵa pikir qosty. Atalǵan uıym óz jumysynda negizinen teńdik, sanaly tańdaý, ádildik, kelisim qaǵıdattaryn basshylyqqa alǵan.