Sondaı-aq jyldaǵy dástúrmen bıyl da túrli sanattar boıynsha mektep bitirýshilerge joǵary oqý ornyna túsýge oblys ákiminiń granty beriledi. О́tken jyly jergilikti bıýdjetten bólingen qarjyǵa 175 jas joǵary oqý oryndarynda oqýǵa múmkindik aldy. Olardyń toqsan paıyzy ata-anasynyń qamqorlyǵynsyz qalǵan, jetim jáne jartylaı jetim, sondaı-aq az qamtylǵan otbasynan shyqqan balalar. Qazirgi tańda olar elimizdiń 13 joǵary oqý ornynda kásibı bilim alýda. Al bıylǵy mektep bitirýshiler úshin oblys ákiminiń 200 bilim granty taǵaıyndalyp otyr jáne bul múmkindikke áleýmettik qoldaýdy talap etetin otbasylardyń balalary qol jetkizedi, deıdi mamandar.
El arasynda tegin oqýǵa qol jetkizýge shynaıy muqtaj túlekter bar. Olardyń úlken ómirge qadam basýyna memlekettiń, janashyr azamattardyń naqty qoldaýy qajet-aq. Mańǵystaýda bul turǵyda grantqa ótinish bildirgen 200 túlektiń taǵdyryn arnaıy komıssııa sheshetin bolady.
Mańǵystaý oblysy