Balalar jazýshysy Raım Farhadıdiń ertegisi boıynsha Antonına Malıýchenka rejısserlik etken «Hochý bodatsıa» qoıylymy shymkenttik jas búldirshinder nazaryna usynyldy. Dostyqty dáriptep, aldaý-arbaýdyń, jamandyq jasaýdyń sońy jaqsylyqqa aparmaıtynyn jetkizgen týyndyda balalar ertegi álemine sapar shegip, qýyrshaqtarmen birge muńaıyp, birge qýandy.
Qoıylym sońynda teatr dırektory Bahtııar Spanov mádenıet qyzmetkerelerin tól merekemen quttyqtap, eńbekterin erekshe atap, úzdikterge qurmet kórsetti.
Teatrda talmaı eńbektengen Ýmıda Saparova, Áıgerim Saparbekova, Zarema Farhatqyzy, Janat Ońalbek syndy azamattar Shymkent qalasy ákimi, Shymkent qalasy máslıhatynyń jáne respýblıkalyq salalyq mádenıet, sport jáne aqparat qyzmetkerleri kásipodaǵynyń alǵys hattarymen marapattaldy. Sondaı-aq, teatrda uzaq jyldar boıy ónimdi eńbek etip kele jatqan Omarhan Násirulyna «Eńbek dańqy» tósbelgisi tabystaldy.