Ortalyqty halyqaralyq áýejaımen jáne qalaǵa jaqyn ornalasqan eldi mekendermeni baılanystyratyn jol torabynda kólik qozǵalys qozǵalysy júrgizýshilerdiń qolaısyzdyq týǵyzyp kelgen-di. Endigi kezekte kishi kólik aınalymynyń mańyzdy bóligi bolyp tabylatyn jolaıryǵy iske qosylǵan kezde ýchaskedegi kólik qozǵalysy ortasha eseppen alǵanda 15 paıyzǵa artatyndyǵyn aıtady mamandar.
«Biz kólik ınfraqurylymyn damytýdamyz, onyń ishinde júrgizýshilerge de jaqsy jaǵdaı jasaýdamyz. Almatyǵa óziniń sońǵy jumys sapary kezinde Memleket basshysy úkimetke qajetti qarjy bólýdi tapsyrǵan edi. Qazirgi kezde qalada metronyń eki beketiniń, eki kólik jolaıryǵynyń qurylystary, Abaı dańǵyly men Saıyn kóshesin uńǵý jumystary júrgizilýde. Bıyl Qulja trakti men Buhtyrma kóshesi boıyndaǵy aınalymda estakada men tonneli bar taǵy bir jolaıryǵynyń qurylysy bastalady. Bul qalalyqtardyń mobıldiligin kúsheıtedi, bıznes-kedergilerdi azaıtady, osy baǵyttaǵy kólik keptelisin tómendetedi jáne qalanyń ekologııalyq júktemesin jaqsartady», - dep atap ótti Baýyrjan Baıbek.
Jańadan iske qosylǵan eki deńgeıli jolaıryǵy qaýipsizdik pen seımıkalyqtyń joǵary standarttarǵa saı. Qurylys barysynda almatylyq óndirýshiler shyǵarǵan 100 myń tekshe metrden astam beton men metallokonstrýksııalar paıdalanyldy. Tórt júzdeı jumys orny qurylyp, bıýdjetke salyq túrinde 4 mlrd. teńge túsken.
Qazirgi kezde ınjenerlik jelilerdi iske qosý men kógaldandyrý jumystary jalǵasýda.