Prezıdent resmı túrde óz qyzmetine kiristi. Ony halyq bolyp saıladyq, halyqtyń 77%-y saılaýǵa keldi. Basym kópshiligi Qasym-Jomart Kemelulyna daýys berdi. Elimizge eń aldymen birlik pen yntymaq tileımin! Basymyzdan baq taımasyn! Elimizdiń damýy odan ári qaryshtaı bersin. Beıbit aspan astynda ǵana damı alamyz. Barlyǵymyzdyń negizi maqsatymyz – damý. Damysaq, barlyǵy jaqsy bolady. Balalarymyz jaqsy memlekette ómir súredi. Ol úshin árbir qazaq eline jany ashyp, gúldenýi úshin eńbek etýi kerek. «Aýyl» partııasynyń ókiline 200 myńnan astam halyq daýys bergen. Ár daýysqa rızamyz. Álbette kóbirek bolsa degen tilegimiz bar. О́ıtkeni aýyl barlyǵymyz úshin de qasıetti. Aýyldyń jaǵdaıy jaqsy bolsa, memlekettiń jaǵdaıy da jaman bolmaıdy. Alda áli Parlament saılaýy bar. Oǵan deıin halyqqa aýyldyń baǵasyn túsindire alamyz degen oı bar. Amandyq bolsa aldaǵy saılaýda bizdi qoldaıtyn jaqtaýshylarymyz kóp bolady dep senemin. Qazirgi jeńis – halqymyzdyń jeńisi. Ol – jastar men bolashaqtyń jeńisi.
Álı BEKTAEV,
Parlament Senatynyń depýtaty