Memorandým aıasynda EUÝ-de «Enrıko Matteı» ıtalıan tili men mádenıeti ortalyǵy ashylyp, stýdenttermen qosa kez kelgen ıtalıan tilin úırengisi kelgenderge tegin kýrstar uıymdastyrylady.
«Bul Italııa – Qazaqstan qatynastarynyń tarıhı kúni. Biz ortalyqtyń atyn Italııadaǵy tarıhı tulǵa Enrıko Matteıdiń atymen atadyq. О́ıtkeni ol Ekinshi dúnıejúzilik soǵystan keıingi qurylymdy qalpyna keltirýge jáne Italııanyń ekonomıkalyq qýatynyń artýyna úlken úles qosyp qana qoımaı, bilim berý salasyna da kóp kúsh salǵan qaıratker», dedi elshi Paskýale D’Avıno.
Ýnıversıtet rektory Erlan Sydyqov elshiliktiń qoldaýyna jáne Eni kompanııasynyń ıgilikti iske demeý kórsetip otyrǵanyna alǵys bildirdi. Italıan tiliniń muǵalimi Roza Hasenova ýnıversıtette bolashaq dıplomattar men aýdarmashylarǵa ıtalıan tili 2000 jyldardyń basynan beri oqytylyp kele jatqanyn aıtty. Sondaı-aq akademııalyq utqyrlyq baǵdarlamasy aıasynda Italııanyń eń úzdik joǵary oqý oryndarymen birlikte jazǵy mektepter uıymdastyrylyp, jetekshi professorlar qabyldanady.