Kelisimge Qazaqstan Premer-Mınıstriniń orynbasary Gúlshara Ábdiqalyqova men IýNESKO-nyń Bas dırektory Odrı Azýle qol qoıdy.
Atalǵan qurylymdy IýNESKO aıasyndaǵy Qazaqstan Respýblıkasy Mádenıet jáne sport mınıstrligi janyndaǵy Mádenıetter jaqyndasýy ortalyǵy negizinde qurý josparlanýda. Tıisti otandyq bastama 2017 j. qarashada Uıymnyń 39-shy Bas konferensııasynda maquldanǵan bolatyn.
Ortalyqtyń maqsattary Ortalyq Azııada jáne basqa da óńirlerde mádenıataralyq yqpaldastyqtyń tarıhy men tájirıbesi boıynsha ǵylymı zertteýler júrgizý, basylymdar daıyndaý, konferensııalar uıymdastyrý jáne aǵartý jumystaryn atqarý bolyp tabylady.
O. Azýle IýNESKO qyzmetine Qazaqstannyń mazmundy úlesin atap ótip, jańa ortalyq mádenıetaralyq dıalogtyń óńirlik jáne álemdik deńgeıde ilgerileýine óziniń oń septigin tıgizetinine senimdiligin jetkizdi.
Qol qoıý rásiminen keıin ótken kezdesý barysynda vıse-premer G. Ábdiqalyqova suhbattasyn Qazaqstandaǵy prezıdenttik saılaýdyń nátıjelerin, jańa memleket basshysy Qasym-Jomart Toqaevtyń syrtqy jáne ishki saıasatyndaǵy basymdyqtary jáne olardyń Elbasy N. Á. Nazarbaevtyń baǵytymen sabaqtastyǵy, elimizdegi «Rýhanı jańǵyrý» qoǵamdyq sanany jańǵyrtý baǵdarlamasyn, «Uly dalanyń jeti qyry» maqalasynyń basym baǵyttaryn jáne Jastar jyly sheńberindegi sharalardyń júzege asyrylýy týraly habardar etti.
Sondaı-aq G. Ábdiqalyqova O. Azýleni Túrkistan qalasynyń damýy týraly jáne memleketimizdiń tıisti jobalardy júzege asyrýda olardyń Qoja Ahmet Iаsaýı Kesenesiniń Dúnıejúzilik mura mártebesin eskere otyryp jáne tarıh pen mádenıettiń aıtýly eskertkishterin qorǵaýdaǵy halyqaralyq standarttarǵa sáıkes bolýyna barynsha mindettiligin sendirdi.
Sonymen qatar Premer-Mınıstrdiń orynbasary IýNESKO-nyń Bas dırektoryn kelesi jyly uıymnyń shtab-páterinde qazaqtyń uly aqyny men oıshyly Abaı Qunanbaıulynyń 175-jyldyǵyn toılaý boıynsha halyqaralyq is-sharalarǵa qoldaý kórsetýdi surady.
О́z kezeginde O.Azýle G. Ábdiqalyqovaǵa mazmundy áńgime úshin alǵysyn bildirdi jáne jahandyq, óńirlik deńgeıdegi Qazaqstannyń úlesin atap ótti.