Qazaqstannyń Tuńǵysh Prezıdenti N.Nazarbaev agroónerkásip keshenin tabysty damytý maqsatyndaǵy ótken jyly tapsyrmasyna oraı «Aýyl – El besigi» arnaıy jobasy ázirlengen bolatyn. Baǵdarlama boıynsha 2022 jylǵa qaraı eńbek ónimdiligi men óńdelgen ónim eksportynyń kólemin 2,5 esege arttyrý mindeti qoıyldy. Elimizdiń aýyl sharýashylyǵy mınıstrligi «Aýyl – El besigi» arnaıy jobasy aıasynda birinshi kezekte tańdalǵan aýyldyq eldi mekenderdi olardyń salasyna jáne qolda bar resýrstaryna, egistikteri men jaıylymdaryna, ınfraqurylymdaryna qaraı damytýdy josparlap otyr.
Ulttyq ekonomıka mınıstrligi aımaqtarmen birlese otyryp aýyldyq aýmaqtardy jańǵyrtý boıynsha jumystardy qolǵa alǵan bolatyn. Aýyldyq eldi mekenderdiń áleýmettik jáne ınjenerlik ınfraqurylymyn damytýǵa, qabyldanǵan óńirlik standarttarǵa sáıkes aýyl turǵyndarynyń áleýmettik ıgilikter men qyzmetterge qol jetkizýin qamtamasyz etýge qarjy bólinetin bolady.
«Aýyl – El besigi» jobasyn iske asyrý aıasyndaǵy sharalarǵa aldaǵy úsh jylda respýblıkalyq bıýdjetten 90,0 mlrd teńge, onyń ishinde 2019 jyly 30,0 mlrd teńge bólindi.
Komıtet músheleri tarapynan «Aýyl – El besigi» arnaıy jobasyn mınıstrlikterdiń basqa memlekettik baǵdarlamalary men jobalarymen úılestirý, jobaǵa qatysýshy eldi mekenderdi tańdaý talaptaryn jetildirý, aımaqtyq erekshelikterdi esepke alý qajettiligi týraly usynystar aıtyldy.