Beıneý aýdanyndaǵy týystarynan quralǵan 2 izdestirý tobymen 23 maýsym kúni saǵat «Gazel» avtokóligi Qarasaı saıynyń «Dáýqara» molasynyń mańynan tabylǵan.
Jalpy joǵalǵan azamattar týraly aqparat 23.06.2019 jyly Beıneý aýdanynyń tótenshe jaǵdaılar bólimine tústi. Túsken habarlama boıynsha Beıneý aýdany ákiminiń tapsyrmasyna sáıkes, Mańǵystaý oblysynyń ákimdigine tikushaq jumyldyrýǵa suranys berilip, Beıneý aýdanynyń TJB bastyǵymen, «Akımatservıs» MKQK basshysymen jáne «Beıneý orman jáne janýarlardy qorǵaý jónindegi» MM bastyǵymen jedel izdestirý toby qurylyp, 24 maýsym kúni «ÝAZ» avtokóligimen izdestirý jumystaryna shyqty. Sol kúni keshke joǵalǵan azamattyń bireýi Beıneý aýylynan shamamen 180 shaqyrymdaı jerdegi Atyraý oblysy Jylyoı aýdanynyń aýmaǵynda ornalasqan Jeltaý taýyndaǵy Sholabaı molasynyń mańynan tiri tabylsa, ekinshi azamattyń óli denesi tabyldy.
Azamattyń densaýlyq jaǵdaıy nasharlap qalǵanyn eskerip, Boranqul aýylynyń ortalyq aýrýhanasyna jetkizildi jáne dárigerlik kómek kórsetilip aýrýhanaǵa jatqyzyldy, qazirgi tańda úıine jiberildi.
Qarasaı saıynyń «Dáýqara» molasy men Jeltaý taýyndaǵy Sholabaı molasynyń ara qashyqtyǵy shamamen 25-30 shaqyrymdy quraıdy.
Joǵalǵandardyń tabylýyna baılanysty avıotehnıka jumyldyrýdyń qajettiligi bolmaǵan.