Baılanys telefondaryna kelsek, Qoǵamdyq qabyldaý bólimi:8 (7222) 360432, 87757464508, 87072951408.
Sondaı-aq oblys ákimi Danıal Ahmetov aımaqtyń barlyq óńirlerimen selektorlyq jıyn ótkizip, qala ákimderi men aýdan basshylary jáne iri kásiporyn jetekshilerine qaıyrymdylyq sharasyna atsalysýǵa shaqyrdy. Selektorlyq keńeske Semeı qalasynyń ákimi Ermak Sálimov pen tıisti sala kásiporyndarynyń ókilderi de qatysyp otyrdy.
- Arystan 40 myń adam evakýasııalandy,-dedi Danıal Kenjetaıuly,-sondyqtan biz shyǵysqazaqstandyqtar birigip, el bolyp kómek qolyn sozýymyz kerek. Qarjylaı, materıaldyq kómekter asa qajet. Azyq-túlik, qurylys jabdyqtary da óte kerek.
Sondaı-aq Semeı qalasy ákimdiginiń 300-den asa qyzmetkeri bir kúndik jalaqylaryn kómek retinde aýdarǵaly otyr. Jáne qaladaǵy Dostyq úıiniń dırektory Nadejda Sharovanyń da aıtýynsha Semeıdegi Dostyq úıindegi barlyq túrli mádenı etnoortalyqtar men birlestikter de ózderi Arys qalasyndaǵylarǵa kómek kórsetýge oraı qarjylaı kómek aýdarýda. Semeıdegi Medısına ýnıversıtetiniń ujymy da birigip, 2 000 000 teńge kóleminde qarjy aýdarmaqshy. Jáne osy medısına ýnıversıtetiniń ortopedııalyq hırýrgııasy kafedrasynyń travmotolog dárigerleri bolǵan jerge baryp, tegin kómek kórsetýdi uıǵaryp otyr.
Raýshan NUǴMANBEK,
«Egemen Qazaqstan»