Indýstrııa jáne ınfraqurylymdyq damý mınıstrligi, Almaty qalasynyń ákimdigi men «Atameken» UKP, Avtokólik qaýymdastyǵynyń uıymdastyrýymen ótken kórme barysynda qala ákimi Baýyrjan Báıbek ońtústik astanada avtokólik sanyn tórt esege deıin arttyrý josparlanyp otyrǵandyǵyn jetkizdi. Búginde kólik júıesin jetildirýge asa nazar aýdaryp otyrǵan qala basshylyǵy bul salada halyqaralyq tájirbıeniń mańyzdy dep sanaıdy.
Qala turǵyndarynyń tıisti oryndarǵa jyldam jetýi úlken qalalardaǵy mańyzdy másele. Qazirgi kezde sýbsıdııalaýdyń arqasynda tasymaldaý júıesi 80 paıyzǵa jańaryp, 1300 jýyq jańa avtobýs satyp alynǵan. Jyl aıaǵyna deıin kólikterdi jańartý júz paıyzǵa deıin júzege asatyn bolady. Keıinnen qaladaǵy avtobýs parkteri de jańartylatyn bolady. Bul mıllıardtaǵan teńgelerdi kóleńkeden shyǵarý men kólik salasyndaǵy ashyqtyqty qamtamasyz etýmen baılanysty bolyp otyr. Jaqyn arada qala baǵyttarynda Made in Almaty elektrobýstary júretin bolady. Elektrobýstardyń úshinshi býynyn janynda 300 oryndy avtoparki bar FalconEurobus zaýytyjasap shyǵarǵan. Avtobýstar qozǵalysyn retteý úshin dıspetcherlik basqarý jumysy da kúsheıtilip, tasymaldaýshylarǵa aıyppul sanksııasy salynǵan. Tek ótken jyldyń ózinde ǵana tasymaldaýshylardan 560 mln teńgeden astam sýbsıdııa ustalǵan.