Monopolıster tarapynan kommýnaldyq tólemderdi tóleý barysynda qashan da asyra silteý bolyp jatady. Úı ıeleri úıinde bolmaǵan jaǵdaıda ınspektorlar esepteý quraldaryndaǵy qunynan artyq kórsetip jatady. Al, bul jaǵdaı odan ózgerek.
Ulttyq ekonomıka mınıstrligi Tabıǵı monopolııalardy retteý, básekelestikti qorǵaý jáne tutynýshylardyń quqyqtaryn qorǵaý komıtetiniń Qyzylorda oblysy boıynsha departamenti men «Qazgıdromet» RMK-nyń derekterin eskere otyryp, jylýmen jabdyqtaý qyzmetterin kórsetetin tabıǵı monopolııa sýbektileriniń esepterine saraptama júrgizdi.
Saraptama nátıjeleri boıynsha 2018-2019 jylý berý kezeńinde jylý esepteý aspaptary joq tutynýshylarǵa tikeleı qaıtarylatyn somasy QQS-men 80,6 mln teńgeni qurady. «Qyzylorda jylý elektr ortalyǵy» MKK-ny boıynsha 78,1 mln teńge nemese ortasha 1 sharshy metrge QQS-men 50,07 teńge eken. Tarıfti tómendetý arqyly qaıta esepteýde osyndaı olqylyqtar oryn alypty.