Memleket basshysy medıa kompanııanyń basshysyna iltıpat bildirip, jaqynda ǵana Bloomberg agenttiginiń jýrnalısterine suhbat bergenin atap ótti. Bul týraly Aqordanyń baspasóz qyzmeti habarlady.
Qazaqstan Prezıdenti Bloomberg kompanııasynyń búkil álem boıynsha áskerlik jáne qarjylyq aqparat taratatynyn atap ótip, Qazaqstannyń ınvestısııalyq múmkindikterin ilgeriletý úshin onyń aıryqsha ról atqaratynyn aıtty.
Kezdesý barysynda «Astana» halyqaralyq qarjy ortalyǵy alańynan tikeleı habar taratatyn Bloomberg stýdııasyn ashý, bedeldi halyqaralyq buqaralyq aqparat quraldaryn tartý úshin medıahab qurý, iri ulttyq kompanııalardyń aksııalarynyń «Astana» halyqaralyq qarjy ortalyǵy bırjasyna shyǵýyn súıemeldeý máseleleri talqylandy. Sondaı-aq, taraptar Qazaqstannyń ınvestısııalyq ahýalyn odan ári jaqsartý perspektıvalary jóninde pikir almasty.