Buǵan deıin jarylystan zardap shekken Arys qalasyndaǵy mektepterde oqıtyn 150 bala jazǵy demalysynyń bir aıyn Jetisýdyń eń kórikti jerlerinde ornalasqan lagerlerde ótkizetinin jazǵan edik. El Astana kúnin meıramdap jatqan sátte ońtústikten shyqqan otarba arystyq 138 balany Almaty oblysynyń aýmaǵyna jetkizdi.
Balalardy Almaty qalasynyń temirjol vokzalynan Eńbekshiqazaq aýdanynyń ákimi Bınáli Ysqaq pen oblystyq bilim basqarmasynyń ókilderi kútip aldy. Qazir olar Túrgen shatqalyndaǵy tabıǵattyń tamasha syıy - «Taý - Janashar» lagerinde kóńildi damalys maýsymyn bastap ketti.
- Arys balalary jazǵy demalystyń bir aıyn jetisýdyń eń kórikti jerlerinde ornalasqan jazǵy demalys lagerlerinde ótkizedi. Qazir Arys qalasynan 138 bala keldi. Jalpy bala sany júz elýge jetedi dep otyrmyz. Balalaqaılar úshin barlyq ıgilikti jasaımyz. Bizdiń aýdandaǵy «Taý- Janashar» lagerinde 20 kún bolyp, qalǵan 10 kúnin Qapshaǵaıdaǵy «Kúnshýaq» lagerinde ótkizedi, - deıdi Eńbekshiqazaq aýdanynyń ákimi Bınáli Ysqaq.