Elordada 14-15 aqpan kúnderi kezekti qalalyq aýyl sharýashylyǵy jármeńkesi ótedi. Qala ákimdiginiń málimetinshe, onda azyq-túlik tıimdi baǵamen usynylady, dep jazady Egemen.kz.
Jármeńkede jergilikti fermerler men Qazaqstannyń túrli óńirlerinen kelgen óndirýshilerdiń ónimderi saýdalanady. Qala turǵyndary men qonaqtary kókónister men jemisterdi, et, un jáne sút ónimderin, nan-toqash ónimderin, tabıǵı shyryndar, tosaptar men djemderdi jáne ózge de taýarlardy tıimdi baǵada satyp ala alady.
Is-shara 14-15 aqpan kúnderi saǵat 10:00-den 19:00-ge deıin «Keryen Joly» saýda ortalyǵynda (Alash tas joly, 35B) ótedi.
Kelýshilerge qolaıly bolý úshin jármeńke ótetin orynǵa № 7, 11, 39, 41, 45, 53, 59, 81, 307, 317 avtobýs baǵyttary qatynaıdy.
Aıta keteıik, Astanada jármeńke turaqty túrde ótkizilip keledi.
Almaty bıligi deldaldardan qutylý úshin kommýnaldyq jármeńkeler ótkizbek