Áleýmettik jelide Kaspi Gold kartalarynan belgisiz tólemder alynyp jatqanyn aıtyp, shaǵymdanýshylar kóbeıdi. Tutynýshylar eshqandaı jazylym qospasa da Google nemese Telegram qosymshalarynyń syılyqtaryn paıdalanǵany úshin aqsha ustalyp jatyr, dep habarlaıdy Egemen.kz.
Áleýmettik jelide taraǵan jazbalardyń birinde qoldanýshy aldymen kartasynan «0 teńge» kóleminde testilik operasııa júrgizilgenin, keıin sıfrlyq satyp alýlar úshin naqty somalar shegerile bastaǵanyn aıtqan. Pikirlerde osyndaı jaǵdaıǵa tap bolǵandar az emes ekeni belgili boldy.
Zardap shekkenderdiń aıtýynsha, ádette aldymen synaq tólemi jasalyp, artynan Telegram jelisindegi «syılyqtar», «premıým» qyzmeti nemese basqa da sıfrlyq ónimder úshin qarajat alynady. Al bank kóshirmesinde tólem «Google» retinde kórsetilip, bul jaǵdaı túsinbeýshilik týǵyzady.
Kaspi.kz ókilderi bank júıesinde mundaı eshqandaı derekter bolmaǵanyn málimdedi. Olardyń túsindirýinshe, ınternet arqyly tólem jasaý úshin karta nómiri, jaramdylyq merzimi jáne CVV-kod sekildi barlyq derekterdi qolmen engizý qajet. Karta derekteri úshinshi tulǵalardyń qolyna túsýi múmkin. Bank kartasynyń qaýipsizdigine jaýapkershilik karta ıesiniń ózine júkteledi.
Eger karta derekteri jarııa bolyp ketken bolsa, ony qaıta shyǵarý usynylady. Alaıda jaramdylyq merzimi aıaqtalmaǵan kartany qaıta shyǵarý quny – 1 995 teńge. Bul jaǵdaı da áleýmettik jelide narazylyq týdyrǵan.
Kaspi Gold kartasynyń jyldyq qyzmet kórsetý aqysy qymbattaı ma?
Kıberqaýipsizdik mamandarynyń aıtýynsha, alaıaqtar urlanǵan karta derekterin Google akkaýntyna tirkep, keıin sol arqyly Telegram ishindegi satyp alýlardy tóleıdi. Nátıjesinde tólem Google ataýymen kóringenimen, qarajat shyn máninde messendjerge jiberiledi.
Bankter týraly jańa zańǵa baılanysty depozıtterge kepildik berýde ne ózgeredi?
Sondyqtan kúdikti tólemder anyqtalǵan jaǵdaıda mobıldi qosymsha arqyly ınternet-tólemderdi birden óshirip, belsendi jazylymdardy tekserip, qajetsizderin alyp tastaý kerek. Qajet bolǵan jaǵdaıda kartany qaıta shyǵarǵan jón.