Eldiń ońtústiginde qolaısyz aýa raıyna baılanysty respýblıkalyq mańyzy bar birqatar avtojolda kólik qozǵalysyna ýaqytsha shekteý qoıyldy, dep habarlaıdy Egemen.kz.
12 aqpan saǵat 13:00-degi jaǵdaı boıynsha Jambyl jáne Túrkistan oblystary aýmaǵyndaǵy «RF shekarasy - Mártók - Aqtóbe - Qarabutaq - Qyzylorda - Shymkent - Taraz - Qordaı - Almaty - Qorǵas - QHR shekarasy» halyqaralyq dálizinde barlyq kólik túrleriniń qozǵalysy toqtatyldy.
Jambyl oblysynda joldyń 534-593 shaqyrymy, ıaǵnı Aısha bıbi aýylynan Túrkistan oblysynyń shekarasyna deıingi aralyq jabyldy. Al Túrkistan oblysynda osy joldyń 593-654 shaqyrymy, Jambyl oblysynyń shekarasynan Mashat aýylyna deıingi bóligine shekteý qoıyldy.
Aqtóbe oblysynda jolda qalyp qoıǵan 400 jolaýshy poıyzben tegin jetkizildi
Budan bólek, 12 aqpan saǵat 13:30-dan bastap Jambyl oblysynyń aýmaǵynda atalǵan avtojoldyń birqatar bóliginde júk kólikteriniń qozǵalysy shekteldi. Atap aıtqanda, Taraz qalasy men Qaınar aýyly aralyǵyndaǵy 238-476 shaqyrym jáne Taraz aınalma jolynyń 476-534 shaqyrym bólikterinde júk kólikteri úshin ýaqytsha shekteý engizildi.
Atalǵan joldardy 2026 jylǵy 13 aqpan saǵat 10:00-de ashý josparlanǵan.
Qosymsha aqparatty táýlik boıy 1403 baılanys ortalyǵyna habarlasyp bilýge bolady.
12 aqpanǵa arnalǵan aýa raıy boljamy