Bódeneniń eti men jumyrtqasy aýrýǵa em, shıpaly. Onyń ústine dámdi, jeńil qorytylady deıdi. Bul qusqa erekshe kútim men bap qajet. Bódeneniń sańǵyryq qıy bolsa – tyńaıtqysh. Másele – istiń kózin tabýda.
Osyndaǵy agrarly-tehnıkalyq kolledjinde 2 myńdaı qurt ósirilýde. Qurttar S.Toraıǵyrov atyndaǵy memlekettik ýnıversıteti janyndaǵy ǵylymı-zertteý ortalyǵynan ákelingen. Bular negizinde tez kóbeıedi.
Stansa mamandarynyń aıtýynsha, bizdiń halqymyz áýelden maldyń, qustyń qıyn kóń retinde paıdalanǵany belgili. Al, bódeneniń sańǵyryǵy tabıǵı túrde jaýyn qurttarynyń kómegimen óńdeledi. Bul EKSPO-2017 halyqaralyq kórmesinen keıin qolǵa alynǵan jobalardyń biri.Qazir shetelderde qurt ósirý jappaı qolǵa alynǵan. О́ıtkeni qurttar jylyna 20 tonnadaı qaldyqtardy qorek etedi eken. Bıogýmýstar arnaıy qapshyqqa salynyp, satylýda.
Tipti, Bolatjan Mustafaev bastaǵan jergilikti ǵalymdar turmystyq qaldyqtardy da jaýyn qurty arqyly qaıta óńdep, ekologııalyq taza organıkalyq tyńaıtqyshtar-bıogýmýs shyǵarýda.
Joba stansa janyndaǵy gelıobıologııalyq keshende balamaly energııa alý úshin daıyndaldy. Iаǵnı,tehnologııalyq úderiske túsken qus sańǵyryǵynan bıologııalyq tyńaıtqysh alynady.
Bódene fermasynan aıyna ondaǵan tonna qı shyǵady. Jaýyn qurttarymen óńdelgen qıdy ǵalymdar bıootyn óndirisinde paıdalanady.
– Qus sańǵyryǵynan alynǵan bıogýmýs ósimdikter úshin paıdaly.Ol mıneraldy zattarǵa toly. Kókónis ósiretin, jylyjaı sharýashylyqtary úshin daıyn tyńaıtqysh, – deıdi stansa ǵalymdary.
О́ńirdegi tájirıbelik stansada vırýssyz kartoptar da ósiriledi. Kartoptyń «Innovator» atty surpynan qytyrlaq kartop, frı jasaıdy. Qazir munda bıdaıdyń da jańa surpy ósirilýde.
Pavlodar oblysy