Ulttyq qoǵamdyq senim Keńesiniń quramyna jergilikti bılik organdarynyń janynan qurylǵan qoǵamdyq keńestiń ókilderi de shaqyrylatyn bolady. Bul týraly Ortalyq kommýnıkasııalar qyzmetinde ótken baspasóz konferensııasynda QR Prezıdentiniń Keńesshisi, Ulttyq qoǵamdyq keńestiń hatshysy Erlan Qarın málimdedi dep habarlaıdy ortcom.kz tilshisi.
«Prezıdent jarlyǵymen qabyldanǵan Ulttyq keńestiń erejesinde bul keńestiń májilisteri men otyrystaryna Ulttyq keńeske engen azamattarmen qatar, aımaqtarda jergilikti bılik janynan qurylǵan qoǵamdyq keńestiń ókilderi de qatysatyn bolady»,- dedi Erlan Qarın.
Sonyń nátıjesinde Ulttyq keńeste talqylanatyn máseleler jalpy respýblıkalyq kólemde, sonymen qatar, jekelegen aımaqtardyń kózqarasymen de talqylaý múmkindigine ıe bolatynyn aıtyp ótti.
«Sonymen qatar, jumys toptary óz jumysy barysynda jekelegen taqyryptar boıynsha arnaıy kóshpeli otyrystardy belgili bir aımaqtarda da ótkizý qarastyrylǵan. Sondyqtan aımaqtyń ókilderi Ulttyq keńestiń jumysyna barynsha keńirek tartylatyn bolady», - dedi Ulttyq qoǵamdyq keńestiń hatshysy Erlan Qarın.