Biregeı gıbrıdti operasııalyq zal

Semeıdegi jańa medısınalyq nysan JCI standarty boıynsha jobalanyp, jabdyqtalǵan. Gıbrıdti zaldy Ulttyq neıro­hı­rýrgııa ǵylymı ortalyǵy basqar­masynyń basshysy, elimizdiń úzdik neırohırýrgy, professor Serik Aqsholaqov ashty. Sondaı-aq birden operasııa jasaýǵa bettegen. Serik Aqsholaqov neı­rohırýgııa ortalyǵyndaǵy qan-tamyrly neırohırýgııa bóliminiń meńgerýshisi Erbol Mahambetovpen jáne Se­meıdegi jedel medısınalyq jár­dem kórsetý aýrýhanasyndaǵy ende­voskýlıarly hırýrgııa jáne gıbrıdti operasııalyq bóli­miniń meń­gerýshisi Aıbol Maral­baevpen birge tórt saǵat boıy osynda shu­ǵyl kelip túsken naýqastyń ba­syndaǵy qaterli isikke kúrdeli ope­rasııa jasap, ashyq túrde alyp tas­taý tásilin qoldandy. Isikti nár­lendirip turǵan tamyrlardy joıdy. 

– Mundaı operasııa biz úshin buryn birneshe kúnge sozylǵan eki bólimnen turatyn edi, – dedi elimizdiń bas neırohırýrgy Serik Aqsholaqov, – mysaly birinshisinde, isikti ósirip bara jatqan tamyrlardy endosvoskýlıarly túrde alyp tastaımyz, ekinshisinde birneshe kún ótken soń, sol qaterli isiktiń ózin alyp tastaıtynbyz. Bul aralyqta naýqastyń da hali qıyndap ketýi múmkin. Al búgin gıbrıdti operasııa jasaý zalynyń ashylýyna oraı, men shaǵyn ınvazıvti túrde, naýqasqa kóp zııan shektirmeı, eki operasııany birden jasadym. Shyny kerek, Qazaqstanda eshbir jerde ázirshe joq gıbrıdti operasııany jasaý barysynda jańa qural-jabdyqtyń kómegimen naýqastyń ómirin saqtap qalǵanyma erekshe qýanyshtymyn. Gıbrıdti operasııalyq zal jergilikti oblys turǵyndaryna joǵary teh­nologııalyq medısınalyq kómek kórsete alady. Naýqastar shetke shyqpaı-aq, óz elimizde, Semeıde emdelip shyǵady. Bul árıne, oblys ákimi Danıal Ahme­tovtyń qoldaýy arqyly júzege asyp jatqan joba. Oblys basshysy dárigerlerdiń álemdik deńgeıde jańa jetistikterge jetýine múm­kindik jasap otyr. 

Shynynda da oblystyń den­saýlyq saqtaý salasyndaǵy keshendi damý jobalaryna oraı 2018 jyly О́skemen qalasyndaǵy oblystyq medısınalyq maman­dandyrylǵan ortalyqta Robo­tohırýrgııa jáne transplantologııa ortalyǵy ashylǵan edi. Al Aıagóz ben Altaı qalala­ryn­da Ulttyq neırohırýrgııa orta­ly­ǵynyń ádistemelik kómegi ar­qy­ly ekinshi deńgeıli ınsýlt ortalyqtary iske qosyldy. Semeı qalasyndaǵy Jedel medısınalyq járdem ortalyǵynda Ulttyq trav­­­matologııa jáne ortopedııa ǵy­lymı-zertteý ınstıtýtymen bir­lesip, Polıtravma jáne ortohırýr­gııa ortalyǵy da tusaýyn kesti. 

Al gıbrıdti operasııa zaly hırýrgııa salasynyń kóptegen salalarynyń basyn biriktiredi. Onyń operasııa jasaıtyn klas­sıkalyq bólmeden ereksheligi arnaıy úlken zal ekendigi. Kóp júıeli blokta jańa deńgeıli tehnologııalar men qural-jab­dyqtar ashyq jáne shaǵyn ınva­zıvti laparoskopııalyq túrdegi magnıtti-rezonanstyq tomogra­fııa, hırýrgııalyq rentgen júıeleri, ÝDZ salasy, beıne­baqylaý júıesi arqyly kúrdeli operasııany sapaly jasaý múmkindigi tolyq qamtylǵan. 

Semeıdegi gıbrıdti opera­sııa barysyna qatysqan oblys ákiminiń orynbasary Ásem Núsi­povanyń aıtýynsha, mundaı jańashyl tehnologııa Semeı óńi­rin, qala turǵyndaryn joǵary medı­sınalyq kómekpen tolyq qam­tamasyz etýge múmkindik be­redi. 

– Semeıdegi Jedel medısı­na­lyq járdem kórsetý aýrýhanasy Semeı óńiriniń 700 myń turǵynyna medısınalyq kómek kórsetedi, – dedi oblys ákiminiń orynbasary Ásem Núsipova – osylaısha bul aımaqtyń stasıonarly kómeginiń 40 paıyzyn qamtıdy. Jyl saıy­n 24 myń turǵyn emhananyń qabyldaý, dıagnoz qoıý bóliminen tekserilýden ótip, onyń 14 myń naýqasy aýrý­hanaǵa joldanady. Mundaı kóp mólsherdegi syrqattar jańa gıbrıdti operasııalyq zal­dyń kerek ekenin rastaıdy. Adamdarǵa shuǵyl túrde keshendi medı­sına­lyq kómek kórsetýge tolyq múmkindik bar. Ásirese qan tamyrlary júıe­siniń buzylýy kezinde, túrli kóp deńgeıli jaraqattarda, ınsýlt pen ınfarkt alǵanda jańa tehnologııa­lardy iske qosý arqyly emdeýge bolady. Gıbrıdti operasııa zaly jobasyna 2,3 mlrd teńge bólinse, zaldyń qural-jabdyǵyn alýǵa 1,7 mlrd teńge jumsaldy. Bul qarjy oblystyq bıýdjetten jáne bıýdjetten tys qorlardan berilip otyr. Qural-jabdyqtar eýropalyq jáne amerıkalyq sapa kórsetkishteriniń sońǵy úlgisi. Osy arqyly Den­saýlyq saqtaý mınıstrliginiń qol­­daýymen Shyǵys Qazaqstan oblysynyń turǵyndaryna kepil­di medısınalyq kómek kórsetý baǵ­darlamasy arqyly tegin túrde emdeý, operasııa jasaý, sa­ýyq­tyrý sharalaryn jasaı alamyz. 

Gıbrıdti operasııa bólme­sinde jumys isteý úshin maman dárigerler toby daıyndalǵan. Operasııa jasaýǵa oraı aldyn ala daıyndalǵan 20 shaqty dáriger óz isine tez arada kirise alady. Jylyna 3 myń operasııa ótedi dep josparlanýda. Otbasylyq densaýlyq saqtaý basqarmasynyń basshysy Ilııas Muhamedjannyń aıtýynsha, Semeı qalasynyń Jedel medısınalyq járdem kórsetý aýrýhanasy 2017 jyldan bastap, dárigerlerdiń biliktiligin kóterý úshin úsh deńgeıli oqytý júıesin qolǵa alǵan. 2017 jyly oblys ákimdigi buǵan 3,2 mlrd teńge bólgen. Osy joba aıasynda Anglııada 3 aı boıy 19 maman mýl­tı tártip toby baǵytynda bilim­derin kóterip keldi. 

Buǵan rentgendi hırýrgııa, anes­tezıologııa, travmatologııa, nevrologııa, kardıologııa jáne sáýlemen emdeý mamandary da kirdi. Jáne respýblıkalyq ortalyqtarda neırohırýrgııa, ıntervensııalyq kardıologııa, rentgen-zerthanashy mamandary da oqytyldy. Jalpy gıbrıdti operasııaǵa jumys isteýge 43 maman daıarlanǵan. Bıyl shetelderde oqytý baǵdarlamasy jal­ǵasyn tabady. Soǵan oraı qyr­kúıek aıynda biliktilikterin kó­terip, bilim alý úshin Semeı qa­la­syndaǵy Jedel medısınalyq járdem kórsetý aýrýhanasynan shetelge 12 maman attanady.