Jaqynda Qazaly aýdany Janqoja batyr aýylynyń turǵyny Almagúl Tólenova kafel jabystyrýǵa arnalǵan jelim shyǵaratyn shaǵyn sehty iske qosty.
«Aýyl sharýashylyǵyn qarjylaı qoldaý qory» AQ-nan 3,5 mln teńge jeńildetilgen nesıe alǵan isker kelinshek qurylysqa arnalǵan jelimge túrli qospalar qosyp, 25 kılolyq qaptamamen saýdaǵa shyǵardy.
– Turaqty tutynýshylar kóp bolýy úshin ónimniń sapasy joǵary, baǵasy tıimdi bolýy kerek. Qazir biz osy maqsatta eńbektenip jatyrmyz. О́nimimizdiń baǵasy bazardaǵydan áldeqaıda arzan. Biz bul isti tabysty júrgizetinimizge senimdimiz. Tek Qazaly óńirin qamtamasyz etip qoımaı, oblysymyzdyń ózge aýdandaryn da qamtysaq degen oıdamyz, – deıdi jeke kásipker.
Qazaqta «alystan arbalaǵansha, jaqynnan dorbala» degen sóz bar. Sehqa qajetti qondyrǵy, qural-jabdyqtardy Shymkent qalasynan aldyrǵan kásipker seh jumysyn júrgizetin mamandardy da sol qaladan shaqyrtqan eken. Shyraıly Shymkentten kelgen sheberler aýyldyń talapty jastaryn osy iske úıretip jatyr.
Dittegen sharýasyn oraıyna keltirgen kásipker úı syrtyn árleıtin sándi sylaq túrin de daıyndaıdy.
Qyzylorda oblysy