Juma, 24 mamyr 2013 2:01
Osydan úsh jyl buryn Almaty oblysy ákimdigi men «QazTransGaz» aksıonerlik qoǵamy arasynda jetisýlyqtardy gazben qamtamasyz etý týraly birikken is-sharalar memorandýmyna qol qoıylyp, memlekettik saıasatqa saı júıeli jumys bastalǵan edi. Osy aptada Almaty oblysynyń ákimi Ańsar Musahanov pen «QazTransGaz» AQ bas dırektory Serik Sultanǵalı Taldyqorǵanda kezdesý ótkizip, atalǵan óńirdi gazdandyrý jumysyn jyldamdatý úshin qosymsha memorandýmǵa qol qoıdy. Bul jumysqa bıýdjet qarajatynan tys aksıonerlik qoǵam tarapynan 5 mlrd. teńge qarjy salyndy.
Juma, 24 mamyr 2013 2:01
Osydan úsh jyl buryn Almaty oblysy ákimdigi men «QazTransGaz» aksıonerlik qoǵamy arasynda jetisýlyqtardy gazben qamtamasyz etý týraly birikken is-sharalar memorandýmyna qol qoıylyp, memlekettik saıasatqa saı júıeli jumys bastalǵan edi. Osy aptada Almaty oblysynyń ákimi Ańsar Musahanov pen «QazTransGaz» AQ bas dırektory Serik Sultanǵalı Taldyqorǵanda kezdesý ótkizip, atalǵan óńirdi gazdandyrý jumysyn jyldamdatý úshin qosymsha memorandýmǵa qol qoıdy. Bul jumysqa bıýdjet qarajatynan tys aksıonerlik qoǵam tarapynan 5 mlrd. teńge qarjy salyndy.
«2010 jyldan beri Almaty oblysy, Ile aýdanynyń 7 eldi mekeni gazdandyryldy. Sonymen qatar, Almaty-Baıserke-Talǵar magıstraldy gaz qubyry qurylysynyń birinshi kezeginde 2,5 mlrd. teńge ıgerilse, ekinshi kezegine 2,2 mlrd. teńge bólindi. Qurylys jumysyn aǵymdaǵy jyly tolyq aıaqtaý úshin 1,4 mlrd. teńge taǵy qarastyryldy. 2012 jyly bastalǵan Almaty-Taldyqorǵan magıstraldy gaz qubyrynyń jalpy quny 19,9 mlrd. teńgege baǵalanǵany málim. Byltyr oblystyq bıýdjetten osy jumysqa 2,2 mlrd. teńge bólindi. Tutastaı alǵanda, Taldyqorǵan qalasy men 180 eldi mekendi gazben qamtamasyz etetin bul jobaǵa sáıkes jumys osy qarqynynan taımaı júrgizilse, sol ıgilikti is 2015 jyly tolyq aıaqtalady», dedi Almaty oblysynyń ákimi Ańsar Musahanov.
О́z kezeginde sóz alǵan «QazTransGaz» aksıonerlik qoǵamynyń bas dırektory Serik Sultanǵalı: «Respýblıkamyzda eń az gazdandyrylǵan ólke Almaty oblysy edi. Oblystyq ákimdik pen bizdiń aksıonerlik qoǵam arasynda jasalǵan memorandýmnyń nátıjesinde, bul jumysty úsh paıyzdan 13 paıyzǵa jetkizdik. Eger abonent sanymen aıtsaq, 1500-den 10 000-ǵa ósti. Bul órleý dınamıkasynyń bar ekendigin kórsetedi. Elbasynyń tikeleı baqylaýyndaǵy ońtústik oblystar boıynsha úlken áleýmettik máselelerdi sheshetin Beıneý – Bozoı – Shymkent atty tarıhı joba aıaqtalýǵa jaqyn qaldy. Aǵymdaǵy jyldyń qazan aıynda biz qazaq jerinde birinshi ret qazaq gazyn paıdalanatyn bolamyz. Sóıtip, osynaý alyp qurylys arqyly tek ońtústik oblystar ǵana emes, búkil Qazaqstandy gazdandyrý dınamıkasy ósedi. Aıta keter jaıt, bıyl qystyń qatty bolýyna baılanysty Elbasynyń tapsyrmasymen qyrǵyz baýyrlarǵa Amangeldi gazyn arzandatylǵan baǵamen berip kómektestik. Jalpy alǵanda, elimizde gazdyń baǵasy kómirden arzan bolady», dedi bas dırektor.
Kezinde zańnama sheńberinde jeke tulǵalar menshigine ótip ketken jer telimderin búginde gaz qubyrlary basyp ótýi úshin Almaty qalasynyń irgesindegi Talǵar aýdanynda birqatar problemalar týyndaǵan edi. Bul máseleni Almaty oblysy ákimdigi aralasyp, zańǵa sáıkes rettegen-tin. Bastalǵan jumystyń toqtaýsyz júrýi úshin tulǵalar memorandýmǵa qol qoıysqan kúni de jer telimine baılanysty jumystar óz sheshimin tapty. Osy turǵyda «QazTransGaz» aksıonerlik qoǵamy iskerlik tanytty. Sondaı-aq, Almaty oblysynda boı kótergen zaýyttar gazdan eki-eki jarym ese qymbat janarmaı paıdalanyp otyr. Ekonomıkalyq turǵydan alǵanda gazdandyrý arqyly kóptegen kiris kózi ashylary haq. Tarıftik saıasat ta ońtústik oblystarda teń saqtalatyny kóńil toltyrady.
Nurbol ÁLDIBAEV,
«Egemen Qazaqstan».
Taldyqorǵan.