“Máńgilik” bı ansambli Bolgarııa, Serbııa elderinde ótken halyqaralyq festıvalderge qatysyp, 3 birdeı kýbokty ıelenip qaıtty.
Mıhaıl Lahtın jetekshilik etetin «Máńgilik» bı ansambili 23-shi márte uıymdastyrylǵan Vıtosha halyqaralyq folklorlyq festıvalinde tamasha óner kórsetti. 12 memlekettiń talantty ul-qyzdary bas qosqan doda jerlesterimiz top jaryp, «Úzdik horeografııa» jáne «Sofııa qalasynyń meri» atty kýboktaryn jeńip aldy. Ile Serbııada uıymdastyrylǵan halyqaralyq festıvalinde «Tóreshiler alqasynyń eń jarqyn áseri» atty kýbogymen marapattaldy.
Qurylǵanyna nebári eki jyl ǵana bolǵan ansambl quramynda 22 ónerpaz bar. Repertýardyń basym bóligi qazaqtyń ulttyq bılerinen quralady.
Kók týymyzdy kókte jelbiretip júrgen jerlesterimiz kelesi jyly Polshada ótetin halyqaralyq bı festıvaline shaqyrtý alyp otyr.
Soltústik Qazaqstan oblysy