Qazir sharýalar daıyndap jatqan shópterdiń negizgi túrleri jaıylymdyq erkekshóp pen arpabas bolyp otyr. Kelesi jylǵy egis naýqanyna qamdanǵan aýylsharýashylyǵy ónimderin óndirýshiler shóbi shabylǵan jerlerdi óńdep te jatyr.
Shilde aıynyń sońyna qaraı oblys boıynsha 220 myń tonnaǵa jýyq shóp shabylǵan. Sharýashylyqtar josparlanǵan 175 myń gektar tanapta par óńdedi. Sonymen birge, alqaptarda topyraqty ekinshi qaıtara óńdeý jumystary da qarqyndy júrgizilýde.
Egistik alqaptaryn aram shópterden tazartý úshin 550 myń gektarǵa jýyq alqapta hımııalyq otaý júrgizilýde. Tek Ýspen, Sharbaqty aýdandarynda ǵana bul jumystaǵy qarqyn tómen.
Al, tamyz aıynda kún ystyq bolsa, shóptiń qýrap ketýi de múmkin. Sondyqtan, árbir sharýashylyq qysqa degen mal azyǵyn daıyndaýǵa kúsh salýda. Jalpy,oblys boıynsha shóp shabý jumystaryna 1600-den astam tehnıka jumyldyrylǵan, aýmaǵy 400 myń gektarǵa jýyq alqapta shóp shabylǵan. Ár gektarynan 5-6 sentner kóleminde shóp shabylýda. Basqarma aldaǵy ýaqytta jınalǵan mal azyǵyn qystaýlarǵa jetkizý jumysy da bastalady dep otyr.
Pavlodar
Sýretti túsirgen Valerıı Býgaev