Qazaqstandyq komanda Pskovqa sońǵylardyń biri bolyp qondy. Desantshylardyń tasymaly Almaty-Aqtóbe-Chkalovsk-Pskov baǵytymen ótti. Saıysty uıymdastyrýshylar qazaqstandyq komandany erekshe kóńil men jylý júzben qarsy aldy. Dástúrli nan tuzyn usynǵan qonaqtar, otandyq desantshylardy saıys ótetin 76 gvardııalyq desanttyq-shabýyldaýshy dıvızııanyń úı-jaıyna qonystandyrdy.
Áskerı qyzmetshiler sý jańa kazarmanyń úı-jaılarynda ornalasty. Ishte qarý saqtaý bólmeden, kıim jýatyn mashınalarǵa deıin kerek-jaraqtyń barlyǵy bar. Desantshylardyń kóńil kúıleri óte jaqsy. Erteńgi kúni olardy mádenı-tanymdyq serýen men birinshi jattyǵýlary kútip tur.
Qazaqstandyq áskerı qyzmetshilerdi kútip alǵan dıvızııa komandıriniń orynbasary polkovnık Roman Samohın osy saıysqa qazaqstandyq desantshylardyń qatysýy saıystyń dárejesin kóterip, mártebesin asyratynyn jasyrmady. Sebebi, bizdiń desantshylar postkeńestik elderdiń ishinde eń myqtylardyń biri bolyp tanylǵan.
Bıylǵy jylǵy V halyqaralyq armııalyq oıyndar 3-17 tamyz aralyǵynda ótip, 10 eldiń aýmaǵynda ótetin bolady. Olar: Ázirbaıjan, Armenııa, Belarýsı, Iran, Úndistan, Qazaqstan, Qytaı, Monǵolııa, Rosseı men О́zbekstan. «Desanttyq vzvod» konkýrsyna uzyn sany 20 eldiń ókilderi qatysatyn bolady.
Mańǵystaý oblysy