Málim bolǵandaı dáriger N. Otarǵazıev oblystyq balalar aýrýhanasynyń qabyldaý bóliminde nemeresin qaratýǵa kelgen azamatshamen sózge kelip, túsinbeýshilik kezinde bir-birin balaǵattaǵan. Jeke bastyń ar-namysyna tıetin sózder aıtylǵan, ekeýara janjal kezinde aınalasyndaǵylarǵa kedergi kelgen. Tekseris barysynda, Aqtaý qalasy mamandandyrylǵan ákimshilik sotynyń 2019 jylǵy 19 shildedegi qaýlysymen oblystyq balalar aýrýhanasynyń hırýrg dáriger Qazaqstan Respýblıkasy ÁQBtK-niń 434-babynyń 2-bóliginde kózdelgen ákimshilik quqyq buzýshylyq jasaǵany úshin kináli dep tanylyp, oǵan osy bappen 1 táýlik merzimge ákimshilik qamaqqa alý túrindegi ákimshilik jaza qoldanǵan. Mamandardyń aıtýynsha, atalmysh dárigerdiń atyna buǵan deıin de aryz túsip, ıaǵnı, Aqtaý qalasy mamandandyrylǵan ákimshilik sotynyń 05.03.2019 jylǵy qaýlysymen QR ÁQBtK-niń 434 babynyń 1 bóligimen ákimshilik jaýapkershilikke tartylyp, oǵan aıyppul salynǵan.
-Qaýly zańdy kúshine engen joq. Sot qaýlysyna taraptar on táýlik ishinde apellıasııalyq shaǵym nemese ótinishhat keltire alady, dedi Aqtaý qalasy mamandandyrylǵan ákimshilik sotynyń sýdıasy Súıeýova Gúlmıra.
Sondaı-aq, ekinshi tarap ta Aqtaý qalasynyń mamandandyrylǵan ákimshilik sotynyń 2019 jylǵy 19 shildedegi qaýlysymen Qazaqstan Respýblıkasy ÁQBtK-niń 434-babynyń 1-bóligimen kináli dep tanylyp, oǵan 5 aılyq eseptik kórsetkish mólsherinde ákimshilik aıyppul tóleý jóninde sheshim shyǵarylǵan.
Mańǵystaý oblysy