Belarýs Respýblıkasynyń «Brestskıı» polıgonynda bul kúnderi V Armııalyq halyqaralyq oıyndar sheńberinde «Mergen shebi» halyqaralyq baıqaýyna qyzý daıyndyq júrýde, dep habarlaıdy QR Qorǵanys mınıstrligi.
Jaqynda ǵana jerebe tastaý ótti. Qazaqstan komandasy 20-shy, baıqaý qojaıyndary 18-shi, al reseılik komanda birinshi bolyp óner kórsetetini belgili boldy. Odan basqa, barlyq qatysýshylar qarý-jaraq, qajetti kerek-jaraq jıyntyǵyn aldy jáne saıysqa daıyndyqtyń sheshýshi kezeńine kirisip ketti. Qazaqstandyq mergender qarý-jaraqtyń jıyntyqtylyǵyn tekserdi, kózdeýish kerek-jaraqty salystyra tekserdi jáne ony qalypty urysqa keltirý úshin qarýdy atyp kórdi.
Saıysqa qatysý úshin komandalar polıgonda óristetilgen medısınalyq jasaq bazasynda medısınalyq tekserýden ótti. Odan keıin baıqaýdyń barlyq kezeńderi barysynda qaýipsizdik sharalaryn saqtaý boıynsha sabaqtar ótkizildi. Baıqaýǵa qatysýǵa 21 eldiń ókilderi nıet bildirdi. «Mergen shebi» baıqaýy «Tank bıtalony» jarysynan ǵana qalys qalyp, armııalyq oınydardyń baıqaýlary arasynda asa qyzyǵýshylyq pen tanymaldylyqqa ıe ekenin aıta ketken jón.