Belgili qumyq aqyn-jazýshysy Badrýtdın Magomedovtyń «Úzilgen úzeńgi» atty kitabynyń túrik tiline aýdarmasynyń TÚRKSOI Bas hatshylyǵy uıymdastyrǵan is-sharada tusaýy kesildi.
TÚRKSOI Bas hatshysy Dúısen Qaseıinovtiń basshylyǵymen ótken sharaǵa Túrikmenstannyń Túrkııadaǵy elshisi Ishanqýlı Amanlıev, Ankara Qajy Baıram Velı ýnıversıtetiniń professory, doktor Chetın Pekadjar, Reseı Federasııasy Daǵystan Respýblıkasynyń bilim berýdi damytý ınstıtýtynan aqyn, doktor Mııasat Múslımova, «Tańsholpan» jýrnalynyń bas redaktory aqyn Sýpııanat Mamaeva, TÚRKSOI Bas hatshysynyń orynbasary Bılal Chakydjy, Túrik tili ortalyǵynyń basshysy professor Gúrer Gúlsevın, Atatúrik atyndaǵy zertteý ortalyǵynyń jetekshisi, professor Alı Beıhan, Ankaradaǵy dıplomatııalyq korpýs, óner jáne ádebıet qaýymdastyǵynyń ókilderi, aqyn-jazýshylar men basqa da shaqyrylǵan qonaqtar qatysty.
Jıyn TÚRKSOI týraly derekti fılm men Badrýtdın Magomedovtyń «Úzilgen úzeńgi» atty kitaby týraly derekti fılmniń kórsetilimimen bastaldy.
Jıyn alǵysózinde Dúısen Qaseıinov túrki áleminde jaqsy tanylǵan qumyq aqyny men zertteýshisi B.Magomedovtyń túrki álemine ortaq ádebıet pen bilimine úlken mıras qaldyrǵanyn aıtty.
Kitapty túrik tiline aýdarǵan professor Chetın Pekadjar kitaptyń basty taqyryby bolǵan Majarstan túrkology Końyrdyń óziniń túp tamyryn tabý oqıǵasy men ata-babalarynyń izimen júrgeni, Daǵystandaǵy kezdesýleri men zertteýleri týraly qysqasha aıtyp berdi.
Sharaǵa shaqyrylǵan Badrýtdın Magomedovtyń qyzy Aıda Magomedova kitaptyń túrik tiline aýdarylýyna atsalysqan adamdarǵa alǵysyn bildirip, rıza ekenin aıtty.
Kitapta álemge áıgili Majarstan túrkology Yshtvan Mandokı Końyr men qumyq ádebıetiniń jaryq juldyzy Badrýtdın Magomedovtyń dostyǵy týraly da jazylǵan. Sonymen birge Końyr Mandokımen reportajdar, jolsapar ocherkteri, Magomedovtiń óleńderi kórinis tapqan.