Senbi, 18 mamyr 2013 2:08
Qostanaıda «Nur Otan» HDP janyndaǵy Quqyqtyq keńestiń, Parlament Májilisiniń Zań jáne sot-quqyqtyq reforma jónindegi komıteti, «Zań ǵylymy men tájirıbesin ınnovasııalyq damytý ortalyǵy» bilim qorynyń uıymdastyrýymen «Qazaqstan Respýblıkasyndaǵy qylmystyq zańnamany jańǵyrtý» atty besinshi halyqaralyq ǵylymı-praktıkalyq konferensııa ótti. Onyń maqsaty – qylmystyq quqyq bastaýlarynyń ǵylymı mánine naqty baǵa berip, qylmystyq zańnamany baıytatyn teorııalyq-tájirıbelik usynystardy qalyptastyrý bolmaq.
Senbi, 18 mamyr 2013 2:08
Qostanaıda «Nur Otan» HDP janyndaǵy Quqyqtyq keńestiń, Parlament Májilisiniń Zań jáne sot-quqyqtyq reforma jónindegi komıteti, «Zań ǵylymy men tájirıbesin ınnovasııalyq damytý ortalyǵy» bilim qorynyń uıymdastyrýymen «Qazaqstan Respýblıkasyndaǵy qylmystyq zańnamany jańǵyrtý» atty besinshi halyqaralyq ǵylymı-praktıkalyq konferensııa ótti. Onyń maqsaty – qylmystyq quqyq bastaýlarynyń ǵylymı mánine naqty baǵa berip, qylmystyq zańnamany baıytatyn teorııalyq-tájirıbelik usynystardy qalyptastyrý bolmaq.
Bul forým qylmystyq quqyqtyń mańyzdy jáne ótkir problemalary talqylanatyn ǵylymı forýmdar negizinde 2009 jyldan beri turaqty ótkizilip keledi. Oǵan Reseıden, Belorýssııadan jáne Germanııadan 15 ǵalym men sarapshylar qatysty. Basqosýda ulttyq qylmystyq-quqyqtyq júıelerdiń, ásirese, Táýelsiz memleketter dostastyǵy elderi arasyndaǵy qarym-qatynas týraly pikirtalas órbidi. Sonymen qatar, onda ǵylymı jurtshylyq pen memlekettik organdar arasyndaǵy pikiralmasýlarǵa da múmkindik jasaldy. Bıyl tamyz aıynyń sońyna qaraı Parlament Májilisi Qazaqstan Respýblıkasy Qylmystyq kodeksi Jalpy bóliminiń jańa redaksııasyn qabyldaıtyn bolady. Konferensııada Qylmystyq kodekstiń jańa redaksııasynyń jobasy qyzý talqylandy.
Elimizdiń quqyqtyq zańnamasynda tek jańa túzetýler engizý arqyly sheshimin tabatyn qordalanyp qalǵan júıelik problemalar jeterlik. Sondyqtan jańa kezeńde quqyqtyq saıasat ǵylymı negizdi jáne túbegeıli ózgertýlerdi qajetsinip otyr. Azamattardyń quqyǵy men erkindigin, qoǵam múddesi men memleketti qylmystyq jaǵdaılardan qorǵaý úshin ýaqyt synynan ótken, búgingi kún talabyna jaýap bere alatyn qylmystyq-quqyqtyq ınstıtýttardy, bazalardy jańǵyrta otyryp, olardy saqtaý kerek.
Osy úlken sharany uıymdastyrý bastamasyn kóterýshilerdiń biri Parlament Májilisiniń depýtaty, «Nur Otan» HDP janyndaǵy Quqyqtyq keńestiń tóraǵasy, zań ǵylymdarynyń doktory, professor Nurlan Ábdirov konferensııany ashyp, quttyqtaý sóz sóıledi. Oblys ákimi Nuraly Sádýaqasov konferensııaǵa qatysýshylarǵa sharanyń tabysty ótýine tilektestigin bildirdi.
Qazaqstan Respýblıkasy Qylmystyq kodeksiniń Jalpy bólimi jańa redaksııasynyń jobasyn Qazaqstan Respýblıkasy Qylmystyq kodeksiniń jańa redaksııasynyń jobasyn jasaý jónindegi vedomstvoaralyq jumys tobynyń jetekshisi, Qazaqstan Respýblıkasy Bas Prokýrorynyń birinshi orynbasary Iogan Merkel tanystyrdy.
Konferensııa «Qylmystyq zańnamany jańǵyrtýdyń halyqaralyq tájirıbesi», «Qazaqstan Respýblıkasy Qylmystyq kodeksiniń Jalpy bólimi jańa redaksııasynyń jobasyndaǵy qylmystyq jaýapkershilik máseleleri» jáne «Qylmystyq jaza: qazirgi zamanǵy aǵym» atty úsh sessııaǵa bólinip jumys istedi. Olardyń jumysyna Germanııanyń Fraıbýrg ýnıversıtetiniń professory Gelmýt Kýrı, Belarýs Respýblıkasy Bas prokýratýrasy ǵylymı-praktıkalyq ortalyǵynyń dırektory, zań ǵylymdarynyń doktory Vladımır Homıch, Reseı federaldyq antımonopolııalyq qyzmeti quqyqtyq basqarmasy bastyǵynyń orynbasary Sergeı Maksımov, taǵy basqalar pikirlerin ortaǵa saldy.
Konferensııa elimizdiń qylmystyq zańnamasynyń zaman talabyna oraı jańǵyrtylýyna óz septigin tıgizetin bolady.
Názıra JÁRIMBETOVA,
«Egemen Qazaqstan».
QOSTANAI.