Forýmdy Qazaqstan Respýblıkasy Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń qoldaýymen Qostanaı oblystyq ákimdigi, «G-Global-dyń» Halyqaralyq Hatshylyǵy, «Jasyl ekonomıka» jáne «G-Global-dy» damytý Koalısııasy» ZTB, «Qazaqstan áıelderiniń agararlyq odaǵy» ZTB uıymdastyrdy. Sharaǵa Coca-Cola halyqaralyq qory demeýshilik jasady.
Forýmnyń ashylýyna oblys ákiminiń orynbasary Erlan Spanov qatysyp, forým qatysýshylaryna oblys ákimi Arhımed Muhambetovtyń jyly sálemin jetkizdi. Áıelder isteri jáne otbasylyq-demografııalyq saıasat jónindegi ulttyq komıssııanyń múshesi Saltanat Tursynbekova, «Jasyl ekonomıka» jáne G-Global-dy damytý koalısııasy» ZTB basqarma tóraǵasy, QR Prezıdenti janyndaǵy jasyl ekonomıkaǵa kóshý jónindegi keńestiń múshesi, Qazaqstannyń aýyldyq áıelder forýmy uıymdastyrý komıtetiniń múshesi Saltanat Raqymbekova qatysyp, sóz sóıldedi.
Forýmda «Meniń jetistigimniń tarıhy» sherýi uıymdastyryldy. Onda jetistikke, ásirese bızneste tabystarǵa qol jetkizgen aýyl áıelderi sóz aldy. Forýmdy «Meniń jetistigimniń tarıhy-2018» nomınasııasynyń laýreaty «JitiqaraAstyqTreıd» JShS dırektory Gúlsara Jamanqulova ashty. Onda ár salada jetistikke jetken qostanaılyq 7 áıel óz tájirıbesimen bólisti.
Forým búgingi aýyldyń áleýmettik jaǵdaıyn jaqsartý baǵytyndaǵy memlekettik baǵdarlamalar men memleket tarapynan bólingen qarjylardy aýyl áıelderiniń paıdalana bilýine kómek berýdi forým jumysynyń basty maqsaty sanapty.
«Memlekettiń berip jatqan kómek-qoldaýyn osyndaı forýmdarda túsinikti tilmen aýyl áıelderine jetkizip, olardyń pikir almasýyna múmkindik jasap otyrmyz. Aýylda óz isin ashyp, jetistikke jetken áıelder bar. Olardyń tájirıbelerin ózgelerge jetkizip, joldaryn túsindiremiz. Aýyl áıelderi kóptegen aqparattan tys qalǵan. Kúshterdi biriktirý arqyly jetistikke jetýge bolatynyna olardyń kózin jetkizgimiz keledi. Biz bar aýyldaǵy bar áıelderdi jınaı almaımyz, forýmǵa qatysqan aýyldastary arqyly aqparattardy, jan-jaqty málimetterdi olarǵa jetkizgimiz keledi. Mysaly, otbasyndaǵy zorlyq-zombylyqtarǵa qarsy «Zorlyq-zombylyqsyz Qazaqstan» jobasyn júrgizip jatyrmyz. Bul oraıda zańnamalarǵa qandaı ózgerister engizýimiz kerek? Áıelder men balalar densaýlyǵyn qalaı saqtaýymyz kerek?» degen máselelerdi, quqyqtyq jaǵynan aqparattardy jetkizsek, bul eldiń erteńi úshin jasalǵan úlken eńbek» dedi Áıelder isteri jáne otbasylyq-demografııalyq saıasat jónindegi ulttyq komıssııanyń múshesi Saltanat Tursynbekova.
Forýmda Coca-Cola belesteri» – jetistik aýmaǵy» pikir almasý alańy,, Turaqty damýdyń jahandyq maqsattaryna qol jetkizýge arnalǵan qarapaıym is-áreketter semınar-trenıngi, «Aýyl – otbasy besigi» sekildi taqyryptarda áńgime órbidi. Shara 2019 jylǵy 7-8 qarashada Nur-Sultan qalasynda ótetin Qazaqstan aýyl áıelderi Ekinshi forýmyna delegattar saılaýmen aıaqtaldy.
Qostanaı