Atyraý oblysynda «Batys» О́ńirlik qolbasshylyǵynyń áskerı baılanysshylary shartty qarýly qaqtyǵys jaǵdaıynda baılanys júıesin ornalastyrdy. Negizgi tapsyrmalar baılanysshylarmen oryndaldy. Bul týraly «Batys» О́ńQ baspasóz qyzmetinen habarlady.
Batystaǵy baılanys áskerleriniń qolbasshylyǵy atap ótkendeı, jan-jaqty daıyndyq baılanys bólimsheleri jeke quramynyń is-qımyldaryn tekserýge jaqsy múmkindik bolyp tabylady. Oqý jattyǵý jaýyngerlik daıyndyqtyń naǵyz jaǵdaıyn jáne tapsyrmanyń ýaqytyly oryndaý merzimderin kórsetti.
Baılanysshylar dabylmen kóterilip, belgilengen jaýyngerlik aımaqqa marsh jasap jáne baılanys toraptaryn ornalastyrdy. Tájirıbelik jattyǵýlardyń arqasynda jeke quram ózderiniń bilimderin, qazirgi zamanǵy áskerı tehnıkanyń zamanaýı úlgilerin qoldana otyryp, baılanys jáne stasıonarlyq toraptar arasyndaǵy úılestirý men ózara árekettestikti qamtamasyz etý jaıynda aqparatpen tolyqtyrdy.
Bıylǵy jazda qazaq áskeriniń baılanys bólimsheleriniń qataryn toltyrǵan jas ofıserler úshin atalmysh jattyǵý mańyzdy emtıhan bolǵanyn atap ótý kerek. Olar Qazaqstan Respýblıkasy Qorǵanys mınıstrliginiń Radıoelektronıka jáne baılanys áskerı ınstıtýtynyń jáne Belarýs Respýblıkasy Áskerı akademııasynyń túlekteri. Arnaıy oqýdyń qorytyndysy boıynsha jas komandırler leıtenant Darhan Jasulanov pen leıtenant Álibek Álıasqarovtyń basshylyǵyndaǵy jeke quram jaqsy nátıjege qol jetkizdi.
Áskerı baılanysshylar Qarýly Kúshterdi turaqty jáne úzdiksiz baılanyspen qamtamasyz etedi. Sonymen qatar áskerı quraldardy paıdalanýda jyldamdyq pen zamanaýılyq, tipti áskerı operasııanyń nátıjesi de olarǵa baılanysty.