Bokstan Reseıdiń Ekaterınbýrg qalasynda ótip jatqan álem chempıonatynda búgin jeti qazaqstandyq boksshy synǵa túsedi. Olardyń arasynda asa aýyr salmaqtaǵy Qamshybek Qońqabaev ta bar. Bul týraly Olympic.kz habarlady.
Nur-Sultan ýaqytymen saǵat 16:00-de bastalatyn kúndizgi sessııada Qazaqstan sapynan úsh boksshy judyryqtasady.
52 kelige deıingi salmaqtaǵy Sáken Bıbosynov kolýmbııalyq Iýberdjen Martınes Rıvaspen kúsh synasady.
63 kelige deıingi salmaqtaǵy Zákir Safıýllın Kýba ókili Endı Krýz Gomespen judyryqtasady. Sondaı-aq kúndizgi sessııada 91 kelidegi Vasılıı Levıt sharshy alańǵa shyǵady. Levıttiń qarsylasy - ýkraınalyq Marat Grıgorıan. Saǵat 20.00-de bastalatyn keshki sessııada taǵy tórt boksshymyz synǵa túsedi.
57 kelidegi Qaırat Erálıev taılandtyq Chatchaı Býdtımen qolǵap túıistiredi.
69 kelige deıingi salmaqtaǵy Abylaıhan Júsipov germanııalyq Nık Bırmen ózara myqtyny anyqtaıdy.
81 kelidegi Bekzat Nurdáýletov brazılııalyq Keno Machadoǵa qarsy judyryqtasady, al asa aýyr salmaqtaǵy Qamshybek Qońqabaev ıspanııalyq boksshymen kezdesedi.