Ázirbaıjan astanasy Bakýde kórkem gımnastıkadan lısenzııalyq álem chempıonatynyń alǵashqy jarys kúni aıaqtaldy. Irikteýdiń alǵashqy kúninen soń reseılik sportshylar kósh bastap tur. Bul týraly Olympic.kz habarlady.
Birinshi jarys kúninde gımnastar shyǵyrshyq nemese doppen jattyǵý oryndady. Bul baǵdarlamalar kópsaıys qataryna enedi. Irikteý nátıjesi boıynsha, shyǵyrshyqpen jattyǵýda 23.650 upaı jınaǵan Dına Averına alda keledi.
Ekinshi orynda 23.400 upaımen taǵy bir reseılik sportshy Ekaterına Selezneva ornalasqan. Ázirge, úzdik úshtikti bolgarııalyq Borıana Kaleın (21.600) qortyndylap tur.
Qazaqstan sapynan Alına Ádilhanova men Adılıa Tilekenova óner kórsetti. Ádilhanova 18.850 upaımen 29-shy, Tilekenova 18.475 upaımen 35-shi orynda tur.