«Rýhanı jańǵyrý» baǵdarlamasy aıasynda Qazaq soqyrlar qoǵamy men Zaǵıp jáne nashar kóretin azamattar kitaphanasynyń qoldaýymen zaǵıp jandar arasynda Sadyq Kárimbaevtyń týǵanyna 100, Jaqsygeldi Seıilovtyń týǵanyna 70 jyl tolýyna oraı ótken respýblıkalyq konkýrs óz máresine jetti.
Baıqaý erejesine sáıkes qatysýshylar eki án, ıaǵnı bir án atalǵan kompozıtorlardyń shyǵarmalarynan, ekinshi án óz qalaýlary boıynsha oryndady.
Baıqaý nátıjesine oraı bas júlde Almaty oblysynan Daýken Alǵysbektiń enshisine tıse, birinshi oryndy Oral qalasynan Berdiǵalıev Qatımolla, ekinshi oryndy Mańǵystaý qalasynan Kenjeǵaraeva Gúlfaıra, úshinshi oryndy Shymkent qalasynan Tórebaı Nurjan ıelendi. Al yntalandyrý syılyǵyna Pavlodar qalasynan Qozǵanov Qadyrhan, Almaty oblysynan Arǵyn Nurdana, kórermender qalaýy boıynsha Shymkent qalasynan Jýashbaeva Gúlhaıa ıe boldy. Barlyq jeńimpazdar aqshalaı syılyqpen marapattalady. Baıqaýǵa qatysýdyń shyǵyndary Qazaq soqyrlar qoǵamy tarapynan jabyldy.