«Egemen Qazaqstan» gazetinde jarııalanǵan «Elý jyl burynǵy eski parom eldi qashanǵy áýrege túsiredi?» maqalasynda kóterilgen másele Memleket basshysynyń nazaryna iligip, Úkimetke sheshý jolyn qarastyrýdy tapsyrdy. Bul týraly Q. Toqaev Twitter paraqshasynda jazdy.
«Egemen Qazaqstan» gazeti ShQO Kúrshim aýdanynyń 20 myńnan astam turǵynyn tolǵandyrǵan ózekti máseleni kóterdi. Halyq 50 jyl buryn salynǵan eski parommen qatynap júr. Úkimetke ShQO ákimdigimen birge Buqtyrma sý qoımasyna kópir salý úshin qarjy bólý máselesin qarastyrýdy tapsyramyn», dep jazdy Qasym-Jomart Toqaev.
Eske salsaq, maqalada ShQO ortalyǵy – О́skemen men óńirdiń búkil qala-aýdandaryn jalǵaıtyn, strategııalyq mańyzy zor Buqtyrma sý qoımasy arqyly ótetin «Qyzyl tý» ótkeli Kúrshim óńirine kelip-ketýshi jurtty ábden áýre-sarsańǵa salǵany aıtylǵan edi.